XJEL 17
¿Tzeʼn jaku tzʼonin Tyol Dios kyiʼj qeju toj qja?
KYE CHMILBʼAJ EX KYE MAMBʼAJ
«Ax ikx qe chmilbʼaj kykʼujlam kyxuʼjil ik tzaʼn in kykʼujlaʼn kyximlal. Aju xjal in tkʼujlaʼn t-xuʼjil in tkʼujlan tibʼ. Porque mi jun xjal nneʼl tikʼun t-ximlal, noq oʼkx in tkʼaʼchan ex kwentin tuʼn. [...] Teyle junjun kyeye, kʼujlam t-xuʼjil ik tzaʼn in tkʼujlan tibʼ.»
«Ikx kyeye mambʼaj, miʼn tzʼok kyikʼleʼne kykʼwaʼle tuʼn miʼn ttzaj kyqʼoj, noq oʼkx kychʼiysame ex kykaʼwinxe ex kyqʼonxe kynabʼl ik tzaʼn in tmaʼn Qajaw.»
KYE XUʼJILBʼAJ
«Ax ikx te xuʼj nimanx tchmil.»
«Aqeye xuʼj, kynimanxe kychmile, atzun jlu il tiʼj porque okslal qeye tiʼj Qajaw.»
KYE KʼWAʼL
«Aqeye kʼwaʼlbʼaj, kynimanxe kymane ik tzaʼn in tmaʼn Qajaw, porque tuj tumelxix jlu. Atzun tnejel mandamyent jlu at t-xel tuʼn Dios qa ma japun: Kynimanxe kymane ex kytxuye, tuʼntzun tel bʼaʼn kyeye ex tuʼn kytene nim qʼij twitz txʼotxʼ.»
«Aqeye kʼwaʼlbʼaj, kynimanx kymane tuj tkyaqil, porque in tzalaj Qajaw tiʼj jlu.»
