XJEL 18
¿Tzeʼn jaku qo pon laqʼeʼ ttxlaj Dios?
«In tbʼiʼna aju qnaʼj Diose. Kykyaqil xjal in che ul tukʼila.»
«Qeʼk tkʼuʼja tiʼj Qman tuʼn tkyaqil tanmiya ex mya tuʼn tok qeʼ tkʼuʼja tiʼj texa tnabʼla. Naʼntza Qman tiʼj tkyaqilju kbʼantel tuʼna, ex a Qman kxel ẍaqlun teya tuj bʼe jiqun tiʼj.»
«Ex atzun chwinqlal jlu te jumajx, tuʼn tojtzqinjtza kyuʼn, oʼkx aya jun Dios axix tok, ex tuʼn wojtzqinjtze kyuʼn, aqine Jesucrist ma chin tzaj t-samaʼna.»
«Ax tok ate Dios mya najchaq taʼ ttxlaj junjun qe.»
«Atzun jlu in xi nqanine te Dios; tuʼn tten mas kykʼujlalile ex tuʼn tten mas kynabʼle ex tuʼn telxix kynikʼe tiʼj tkyaqil.»
«Qa at jun kyxole atx taj tnabʼl, qaninx tnabʼl te Dios, ex ktzajel tqʼoʼn Dios tnabʼl; porque ate Dios nimxix in tzaj tqʼoʼn kye kykyaqil ex mintiʼ in ilin.»
«Che laqʼexe ttxlaj Dios, ax ikx te ktzajel laqʼeʼ kyukʼile. Aqeye aj il, kytxʼjom kyqʼabʼe; ex aqeye kabʼe kykʼuʼj, kytxʼjome tuj kyanmiye.»
«Qa kʼujlaʼn Dios quʼn, che japunel qe tmandamyent quʼn; ex qe tmandamyent mya kyuw qe.»
