¿Tzeʼn jaku tzʼajbʼen uʼj lu tuʼne?

Ma bʼaj bʼinchet uʼj lu tuʼn tel tnikʼa tiʼj Tyol Dios. ¿Tzeʼn kʼajbʼela tuʼne? Qajbʼile tuʼn t-xi qyekʼine tzeʼn tten tuʼn t-xnaqʼtzane tiʼj uʼj lu: Aj ttzyet junjun xnaqʼtzbʼil kkanetil junjun xjel tuʼne. Aj telpunbʼaj junjun xjel ok chi knetil kyajlal taqikʼ xnaqʼtzbʼil tuʼne, atz jaʼ nchi jatza kanet tzaqʼwebʼil kye xjel. Tnejil ẍchʼinktza tkyaqil xjel ex ximiye kyiʼj. Aj tbʼant jlu tuʼne, bʼaʼn tuʼn tjaw tuʼjeye tkyaqil taqikʼ xnaqʼtzbʼil ex jyonkuxa qeʼ taqikʼ Tyol Dios. Aj tkubʼaj jun xnaqʼtzbʼil tuʼne, ẍchʼinktza juntl maj qeʼ xjel ex naʼntza tzaqʼwebʼil ntzaj tqʼoʼn Xjan Uʼj kye. Aj tbʼaj xnaqʼtzane tiʼj tkyaqil xnaqʼtzbʼil tkuʼx toj uʼj lu, bʼaʼn tuʼn tmeltzʼaja juntl maj tuʼn tjaw tuʼjeye kykyaqil xjel tuʼntzun ttzaj tnaʼne tzaqʼwebʼil kye.