Xnaqʼtzbʼil 1

¿Tzeʼn jaku tzʼel tnikʼa tiʼjju ntzaj tqanen Dios teya?

¿Alkye tqanil nim toklen tkuʼx tuj Xjan Uʼj? (1)

¿Alqe yol tkuʼx toj Xjan Uʼj? (2)

¿Tiquʼn iltiʼj tuʼn t-xnaqʼtzana tiʼj Tyol Dios? (3)

1. A Xjan Uʼj jun oyaj nim toklen o tzaj tqʼoʼn Dios qe. Ikxix tten tzaʼnj jun t-xaq uʼj nkubʼ ttzʼibʼen jun tbʼanel mambʼaj kye tkʼwaʼl. Ntzaj tqʼamaʼn axixtok tiʼj Dios: alkye ex alkyeqeʼ tkawbʼil. In tzaj tchikʼbʼaʼn tzeʼn tten tuʼn qex twitz mya bʼaʼn ex tzaʼn jaku tenxix tzalajbʼil qe. Oʼkxku Xjan Uʼj ntzaj tqʼmaʼn seʼn jaku qo el bʼaʼn tuj twitz qMan Dios (Salmo 1:1-3; Isaías 48:17, 18).

2. Kubʼ tzʼibʼin Xjan Uʼj kyuʼn chʼixme kyawnaq xinaq, mo ichin, bʼaj tzʼibʼit tuj mil tukʼe waqaq syent abʼqʼi, tzaj qeʼ ttzʼibʼinjtz atxix tuj abʼqʼi 1513 tjaqʼxi tqʼijlalil Jesucristo. Tkuʼx 66 uʼj tuj. Tzaj tqʼoʼn Dios t-xim tuj kywiʼ ajtzʼibʼil tuʼntzun tkubʼ kytzʼibʼen Tuʼjil Tyol. Tuʼntzunjo, aqeju yol tkuʼx toj Xjan Uʼj te qMan Dios te tuj kyaʼj nya te jun xjal te twitz Txʼotxʼ (2 Timoteo 3:16, 17; 2 Pedro 1:20, 21).

3. Ok t-xqʼuqin Dios Xjan Uʼj, tuʼn tjatz tzʼibʼin ikxix tzeʼnj kyaj tzʼibʼen ojtxe. O tzʼetz bʼinchen nimxix tajlal Xjan Uʼj twitz tkyaqil txqantl uʼj. Nya kykyaqil xjal chi jawil tzalaj aj tok tene xnaqʼtzal tiʼj Tuʼjil Tyol Dios, miʼ txi tqʼoʼne ambʼil te ikʼbʼel tuʼn tkyaj weʼ t-xnaqʼtzbʼila tuʼn. Oʼkx tzul qʼoʼn tanqʼibʼile te jumajx qa ma tzʼok tojtzqiʼna qMan Dios ex qa ma bʼant tajbʼil tuʼna (Mateo 5:10-12; Juan 17:3).