Xnaqʼtzbʼil 16

Ximinkuye tuʼn tajbʼena te Dios

¿Tiʼ kbʼantel tuʼne tuʼn toka te tamiw Dios?(1, 2)

¿Tiʼ kxel tqʼmaʼna te Dios qa ma bʼaj t-ximine tuʼn tajbʼena te? (1)

¿Jtoj jaku jaw aʼ twiʼye? (2)

¿Tzeʼn jaku ten tipumale tuʼn ttena tzʼaqli twitz Dios?(3)

1. Tuʼn toka te tamiw qMan Dios, iltiʼj tuʼn telxix tnikʼe tiʼj axixtok tkuʼx toj Xjan Uʼj (1 Timoteo 2:3, 4). Qʼuqbʼank tkʼuʼje tiʼjjo ma tzʼel tnikʼa tiʼj (Hebreos 11:6). Tzʼanjtz tiʼj tanmiye (Hechos 17:30, 31). Ex xoʼnkj qeʼ tbʼinchbʼena mya bʼaʼn (Hechos 3:19). Atzunju tkʼuʼjlabʼila at tiʼj Dios, awtloju nonin teya tuʼn tajbʼena te. A jlu jaku txi tqʼmaʼne te Jehová tuj jun naʼj Dios, qa ma bʼaj t-ximiya tuʼn tbʼant tajbʼil tuʼna (Mateo 16:24; 22:37).

2. Aj tbʼaj xnaqʼtzana tiʼj Xjan Uʼj ex aj t-xi tqʼmaʼne te Jehová toj naʼj Dios qa tajbʼile tuʼn tajbʼena te, oktzun kjawil aʼ twiʼya (Mateo 28:19, 20). Aju jawsbʼil aʼ twiʼya jun yekʼbʼilju kywitz xjal qa ma txi tqʼamaʼne te Jehová tuʼn tajbʼena te. Tuʼntzunjo, oʼkx qeju atitl kyabʼqʼiʼ tuʼn tkubʼ kyximin qa chi ajbʼel te Jehová, njaw aʼ kwiʼ. Aj tjaw aʼ twiʼ jun xjal, iltiʼj tuʼn tkux bʼaj t-xmilal tuj aʼ * (Marcos 1:9, 10; Hechos 8:36).

3.Oteqxi kubʼ tyekʼine qa taja tuʼn tajbʼena te Jehová, tajbʼil Jehová tuʼn tkubʼ tbʼinchaʼna ik tzeʼnj ma txi ttziyene te (Salmo 50:14; Eclesiastés 5:4, 5). Kʼokila tuj joybʼil tuʼn Tajaw il, tuʼntzun miʼ bʼant tajbʼil Jehová tuʼne (1 Pedro 5:8). Naʼne Dios (Filipenses 4:6, 7). Xnaqʼtzana tkyaqil qʼij tiʼj Tyol Dios (Salmo 1:1-3). Miʼ tzʼel tpaʼn tibʼe kyiʼj kʼloj okslal (Hebreos 13:17). Qa ma kubʼ tbʼinchane tkyaqil jlu ok ktel tipumale tuʼn ttena tzʼaqli twitz qMan Dios. Ex kbʼantel tuʼne aju ntzaj tqanin Dios teya te jumajx.

[Tqanil]