Chi kbʼel najsaʼntl xjal mya bʼaʼn kbʼinchbʼen?

22 Ax ikx qeʼ xjal jaʼlin nim mya bʼaʼn nkubʼ kbʼinchen. Titqal tichaq mya bʼaʼn nkubʼ bʼinchen tzaluʼ?

23 At qeʼ nkubʼ kbʼyoʼn junjuntl kyukʼil. A qMan Dios ntzaj qʼamante tuʼn mi kubʼ bʼinchet. —Éxodo 20:13; 1 Juan 3:11, 12

 24 At junjo nchi elqʼan. A qMan Dios ntzaj qʼamante tuʼn mi chi elqʼantl. —Éxodo 20:15; Efesios 4:28

25 At junjo nche mujeʼ kyukʼe nim xuʼj (qya). Junjuntl nche anqʼin kyukʼe kabʼe mo txqantl xuʼj teyelex te junjo tuj tja. Junjuntl nche anqʼin junx nya mujleqeʼ. Tkyaqil jluʼ nyaju ntzaj t-xnaqʼtzaʼn Tuʼjil Tyol qMan Dios. —Mateo 19:4-6; 1 Corintios 7:1-4; 1 Timoteo 3:1, 2

26 Naʼnx teye tuʼn qa junx t-xuʼjel Adán tzaj tqʼon qMan Dios? —Génesis 2:22, 24

 27 At junjo nchi kubʼ ten kʼulil twitz junjuntl kdiosel. A qMan Dios nqʼamante tuʼn mi tzʼajbʼen junjuntl dios ex tilbʼilal tuj kʼulbʼil.—Éxodo 20:4, 5; Isaías 44:9-17; 1 Juan 5:21

28 Ok kbʼel tnajsaʼn Jehová qeʼ xjal mya bʼaʼn kbʼinchbʼen eye mixtiʼx nkubʼ kchʼixpuʼn kibʼ tuj kyanqʼibʼil. —Salmo 37:9, 10; Lucas 13:5; 1 Corintios 6:9, 10