Ntzaj tqʼoʼn Jehová jun klol qe

29 A tnejel xjal xewbʼaj bʼinchaʼn tuʼn qMan Dios ik tzaʼnj jun tnejel tkʼwal tex.

Nimxix tkʼujlabʼil qMan Dios tiʼj tkʼwal ex a kʼajbʼel tuʼn, tuʼn kkubʼ tnajsaʼn qeʼ xjal mya bʼaʼn kbʼinchbʼen ex tuʼn kkletjo nxi knime qMan Dios —Juan 3:16, 36

30 Tzaj t-samaʼn Jehová tkʼwal tuʼn tul itzʼje tzaluʼ twitz Txʼotxʼ. Ok qʼon tbʼi te Jesús. Atzun tbʼi ttxuʼ María.—Lucas 1:30-35

31 Tej tchʼiy Jesús, kubʼ t-xnaqʼtzaʼn nim tichaq tbʼanel. Tzaj t-xnaqʼtzaʼn qa oʼkx Jehová axix tok qMan Diosjo. —Marcos 12:29, 30

Tzaj tqʼamaʼn Jesús qa oʼkx tuʼn qkʼulen twitz Jehová.—Mateo 4:10; Juan 4:23, 24

Ax ikx ikubʼ t-xnaqʼtzaʼn xjal tiʼj tkawbʼil qMan Jehová.—Lucas 17:20, 21

 32 Kubʼ tqʼane Jesús qeʼ yabʼ ex nimxix tbʼanel bʼant tuʼn. Mitiʼ kubʼ tbʼinche tichaq myaʼ bʼaʼn.—Hechos 10:38; 1 Pedro 2:21, 22

Tzentzun, jaku qo klet tuʼn tiʼj il ex kyimeʼn?

33 Iltaq tiʼj tuʼn t-xi tqʼon jun chojbʼil te qMan Dios, tuʼn kklet qeʼ xjal tbʼanel kbʼinchbʼen. Ojtxi, xi tqʼamaʼn qMan

Dios kye xjal tuʼn tkubʼ kbʼyoʼn txkup tuʼn tlaj (tpaj) kil. —Hebreos 7:25, 27

34 Mitiʼ te Jesús kubʼ tbʼyoʼn txkup. Axte xe tqʼon tibʼ te chojbʼil qil. —Mateo 20:28; Hebreos 10:12

Bʼin teye tuʼn tiquʼn?