Tiʼ teye kbʼel tbʼinchen?

50 Taj teye tuʼn tanqʼina te jumajx tuj tbʼanelxix tqambʼel awal?

Iktzunjo xnaqʼtzam tibʼa tiʼj ntzaj tqʼamaʼn qMan Dios. Qʼonkxix tkʼuje tuʼn tbʼant t-ẍchʼina Tuʼjil Tyol qMan Dios.—Juan 17:3; Apocalipsis 1:3

51 Xnaqʼtzamxix tibʼa tiʼj Jesús. —Deuteronomio 18:18, 19; Juan 3:16; Hechos 3:19-23

52 Qʼonk tkʼuja tun tkubʼ tbʼincheye oʼkxiʼx tbʼanel ex niminxe qMan Jehová. —Romanos 6:17, 18, 22

 53 Naʼntza, a Jehová ntzaj qʼamante qa mitiʼ tuʼn tkubʼ qbʼyoʼn qeʼ xjal. —Éxodo 20:13; 1 Juan 3:11, 12

54 Min tzʼel qiʼn tichaq kye junjuntl xjal. —Éxodo 20:15; Efesios 4:28

55 Mix aʼlx jun xinaq tuʼn tanqʼin tukʼe jun xuʼj ex tuʼn tkubʼ kuẍe tukʼe qa nya t-xuʼjel.—Éxodo 20:14, 17; 1 Tesalonicenses 4:3

56 Naʼnx tuʼne jteʼ t-xuʼjel jun chmilbʼaj jaku ten, ik tzeʼnj ntzaj tqʼamaʼn qMan Dios? Ix jteʼ ambʼil tuʼn t-ten jun chmilbʼaj tukʼe t-xuʼjel? —Génesis 2:22, 24; Mateo 19:5, 6; 1 Corintios 7:2, 10, 11

 57 Ax ikx, naʼntza qa oʼkx twitz Jehová qo kʼulil. —Mateo 4:10; 1 Corintios 8:6

58 Eye junjuntl dios ex tilbʼilal melayx qo tzaj kyoniʼn. Tiquʼntzun? —1 Corintios 8:4

Wentzulo tuʼn t-ten junjuntl qdios? —Deuteronomio 27:15; 1 Juan 5:21

59 Tiquʼntzun mya bʼaʼn tuʼn kyajbʼen techlal ex tichaq in najbʼen kyuʼn xjal te mya bʼaʼn? —Deuteronomio 18:10-13; Apocalipsis 21:8

60 Eye anjel mya bʼaʼn kbʼinchbʼen mo juʼẍ, e ok meltzʼuj tiʼj qMan Dios. Nchi ajbʼen ajqʼij kyuʼn tuʼn kkubʼ ksbʼuʼn qeʼ xjal. —Hechos 16:16

 61 Iltiʼj tuʼn qnaʼn Dios. Atzuʼn nqo yolinjo tukʼe qMan Dios, tuʼn t-xi qqʼamaʼn qa qaj tuʼn qajbʼen ex tuʼn t-xi qqanen oʼnbʼil te.—Filipenses 4:6, 7

62 Iltiʼj tuʼn t-xi qbʼiʼn Jesús ex tuʼn tok qʼuqe qkʼuj tiʼj.—Hebreos 5:9; Juan 3:16

63 Naʼntza, a Jesús kyim tuʼn qklet.—Romanos 5:8

 64 Naʼntza a Jesús qKawil, mitiʼ qʼanchaʼl. Iltiʼj tuʼn t-xi qbʼiʼn.—Filipenses 2:9-11; Apocalipsis 19:16

 65 Tzaj tqʼamaʼn Jesús qa iltiʼj tuʼn tyolina kyukʼe txqantl xjal, tiʼj tichaq tbʼanel in nel tnikʼe tiʼj ex eye kyajbʼil tuʼn kyajbʼen te qMan Dios, iltiʼj tuʼn kkuʼx tuj aʼ tuʼn tjaw aʼ kwiʼ.—Mateo 28:19, 20; Juan 4:7-15

66 Tuʼntzunjo jaku yolina kyukʼe qeʼ tukʼeye tibʼaj tichaq tbʼanel.—Mateo 10:32

67 Qa ma bʼant teye t-ẍchʼin uʼj, ok kʼelel tnikʼe tiʼj nim tichaq tbʼanel ex jaku bʼent tuʼn t-xi tqʼona tbʼanel oʼnbʼil kye txqantl xjal.—2 Timoteo 2:15

 68 Ax ikx, kubʼ t-xnaqʼtzaʼn Jesús qeʼ kʼwal tuʼn tok knimen qMan Dios. Ma ten ambʼil tiʼj tuʼn tyolin kyukʼe.—Mateo 19:13-15

69 Eye manbʼaj tkyaqil ambʼil iltiʼj tuʼn tkubʼ kxnaqʼtzaʼn qeʼ kkʼwal, tuʼn knimen te qMan Dios ex tuʼn tok kkʼujlaʼn.—Deuteronomio 6:6, 7; Proverbios 6:20-22; Efesios 6:4

70 At nim okslabʼil. Nim kxnaqʼtzbʼil mixti tkuʼx toj Tuʼjil Tyol qMan Dios. A Jehová ntzaj qʼamante tuʼn qetz tuj qeʼ okslabʼil, eye mitiʼ nkubʼ kxnaqʼtzaʼn axix tok (axiʼx)—Apocalipsis 18:4; Juan 4:23, 24

 71 At qeʼ t-xjal Jehová twitz Txʼotxʼ in chi ajbʼen te, jaku kubʼ xnaqʼtzaʼne nim kyuʼn tiʼj. Ojtzqiʼn teye tuʼn alkyeqeʼ?—Hechos 15:14; Romanos 10:14, 15

72 Eye qeʼ testigos de Jehová. At mujbʼabʼil (nakʼbʼil) kxol. Bʼin teye tuʼn tiquʼn? Tunjo in nok kkʼujlaʼn kibʼ kxol.—Isaías 43:10-12; Juan 13:34, 35

73 Ax ikx nim kkʼujlabʼil tiʼj qMan Jehová, tuntzunjo o chi kuʼx tuj aʼ tuʼn tjaw aʼ kwiʼ. Iktzun nkubʼ kyekʼe kibʼ kwitz xjal, qa ma kyaj kxon mya bʼaʼn kten tuj kyanqʼibʼil ojtxiʼ ex kyajbʼilxix tuʼn kyajbʼen tkyaqil kyanqʼibʼil te qMan Dios.—Hechos 2:41

 74 Eye qeʼ testigos de Jehová nchi ayon tuʼn kyanqʼin tuj akʼaj tbʼanel tqambʼel awal.—Salmo 37:9-11, 29

Titqal teye kbʼel tbʼinchen, tuʼn tanqʼina junx kyukʼe tuj tbʼanel tqambʼel awal?—Santiago 1:22, 25; 2:20-26

75 Junx kyukʼe tzʼelx tnikʼe tzaʼn tuʼn tajbʼenaye te Jehová. In nok kkʼujlan ex nokx kbʼin Jehová ex Jesucristo. Nchi ok tkʼujlanteye? Tajle teye jaʼlin tuʼn toniye kyiʼj txqantl xjal tuʼn tok kyojtzqin qMan Dios?—Juan 6:45-47

 76 Kʼujlanxixa tuʼn Jehová ex Jesucristo ex kyajbʼil tuʼn tanqʼina te jumajx, tuj tqambʼel awal.—Juan 3:16

Aju ma tzʼel tnikʼe tiʼj, tej xnaqʼtzana tiʼj qeʼ tilbʼilal ex chikʼbʼabʼil tkuʼx tuj uʼj luʼ, jaʼlin tajxixle teye tuʼn tanqʼina, tuj tzalajsbʼil twitz Txʼotxʼ te jun majx. Qa taj teye tuʼn t-xnaqʼtzana chʼiʼntl tiʼj txʼolbʼabʼil luʼ, yoline tukʼe jun testigo de Jehová tuj tkojbʼila. Mo jaku kubʼ t-tzʼibʼina mo jaku txi tqaniye xtalbʼil te juntl tuʼn tkubʼ t-tzʼibʼin jun uʼj, tuʼn t-xi t-samane tuj ja te qʼobʼil tqanil kye testigos de Jehová, aj nqaku taʼ jatumel in nanqʼinaye, iktzaʼn ntzaj tyekʼin tajlal tembʼil tkuʼx tuj tkabʼ t-xaq uʼj luʼ.