Tiquʼn nkyim xjal?

8 Tajtaq qMan Jehová tuʼn tkubʼ tbʼinchaʼn xinaq tkyaqil twitz Txʼotxʼ te tbʼanel tqambʼel awal. . . te tzalajsbʼil te kkyaqil. —Génesis 1:28

Eye xjal nchi anqʼinwtlo te jumajx noqowt xiʼ knimen (kyokslaʼn) Adán tukʼe Eva Tyol qMan Dios. Tuʼn mi t-xi kloʼn twitz tzeʼ aj te nabʼil te bʼaʼn ex mya bʼaʼn.—Génesis 2:15-17

9 Jun anjel ok te mya bʼaʼn ex ajbʼen jun kan (lobʼaj) tuʼn, tuʼn min t-xi knime Eva ex Adán qMan Dios. —Génesis 3:1-6

10 A tbʼi ojtxi kan, tajaw il ex Satanás aj anjel mya bʼaʼn a kubʼ sbʼunte Eva. —Apocalipsis 12:9

 11 Ex tlajoʼn Jehová Adán tukʼe Eva tuj tqambʼel awal, tuʼnjo mitiʼ xiʼ kbʼiʼn Tyol. —Génesis 3:23, 24

12 Ul kkʼwal Adán tukʼe Eva, nya tuj tzalajsbʼil etena kkyaqil tuj kja. —Génesis 3:17, 18

13 Ilxtaq tiʼj tuʼn ktijen ex tuʼn kkyim, ik tzaʼnj kyaj tqʼamaʼn Jehová. —Génesis 3:19; Romanos 5:12

14 E kyim ik tzaʼnj qeʼ txkup.

Kkyaqil alma twitz Txʼotxʼ nchi kyim. —Eclesiastés 3:18-20; Ezequiel 18:​4, NM