Tzʼanqʼina te jumajx tuj tzalajsbʼil tzaluʼ twitz Txʼotxʼ!

Aj uʼj luʼ kubʼ bʼinchaʼn te onbʼil teye tuʼn tel tnikʼe alkye kubʼ bʼinchante Txʼotxʼ ix tkyaqil tichaq tkubʼ twitz. Kʼelel teye tnikʼ qa a qMan Dios kubʼ tbʼinchaʼn Txʼotxʼ, at tbʼi texte. Tzaluʼ kxeʼl qtxʼolbʼane tiquʼn kubʼ tbʼinchaʼn qMan Dios xjal ex tzaʼn jaku tzʼanqʼinaye te jumajx tuj tzalajsbʼil tzaluʼ twitz Txʼotxʼ.

Nqo ayone tuʼn eye qeʼwt nim tilbʼilal tzʼonin tiʼja aj tkuʼx tkyna (tkaʼyina). Tuʼn tel teye tnikʼ ex tuʼn tbʼant tuʼna iltiʼj tuʼn tjaw t-ẍchʼiʼne qeʼ taqikʼ Tyol Dios, eye qeʼ tkuʼx t-txlajele tilbʼilal. Iktzun t-tenjo, axa kjawil ẍchʼinte tuj uʼj luʼ junjo tbʼanel o tzaj t-tziyen qMan Dios, a tkuʼx tuj Tuʼjil Tyol ex aju ntzaj tqʼaman tuʼn tkubʼ tbʼinchene tuʼntzun tkʼamet o tzaj t-tziyeʼn.

Axle ikx teye tajxixe tuʼn tajbʼen uʼj luʼ tuʼne tuʼn toniye kyiʼj txqantl xjal. Qa at qeʼ tkʼwale jaku tzʼajbʼen tuʼne tuʼn kxiʼ toniye tuʼn tel knikʼ tiʼj qMan Dios. Qa najliya twiʼ tnam jatumel at qeʼ nim xjal mi bʼaʼn chi ẍchʼin uʼj, bʼaʼn tuʼn kyajbʼen qeʼ tilbʼilal tuʼne tuʼn toniye kyiʼj qeʼ xjal tuʼn tel knikʼ tiʼj t-xim qMan Dios, tuʼntzun ax ikx kye jaku chi onen tiʼj qeʼ kxjalil.

Tukʼe tkyaqil qkʼuje qo ayole axwit xnaqʼtzbʼil te uʼj luʼ, tzʼajbʼenwt tuʼn tjaqet bʼe twitza tuʼn tkʼamet nim kʼiwlaʼbʼil teye, tuʼntzun tkubʼ tyekʼene kye junjuntl tzeʼnxix jaku chi anqʼin te jumajx tzaluʼ twitz Txʼotxʼ.