XNAQʼTZBʼIL 7
¿Alkyetaq Jesús?
Tzaj t-samaʼn Jehová Jesús twitz Txʼotxʼ (1 Juan 4:9)
Qa qaj (qgan) tuʼn ttzalaj Jehová qiʼj, kxel qbʼiʼn juntl xjal at toklen, ¿alkye xjal lu? Jun anjel nim tipumal (tbʼalor) aju kubʼ tbʼinchaʼn Jehová tej naʼmxtaq tkubʼ tbʼinchaʼn Adán.
Tej tbʼet ambʼil, ul itzʼj anjel lu twitz Txʼotxʼ tuʼn Jehová ik tzeʼn jun neʼ. Ul itzʼj tiʼj María aju naʼmxtaq tkubʼ kuẍeʼ tukʼil jun xinaq, moqa jun ichan. Ok qʼoʼn tbʼi neʼ lu te Jesús (Juan 6:38).
Kubʼ tyekʼun Jesús tmod ttat tej tten twitz Txʼotxʼ. Tbʼanel xjaltaq, attaq tkʼuʼj kyiʼj xjal, ex nyataq kwest tuʼn kyyolin xjal tukʼil. Ax ikx mitiʼ (tiloʼ) tzaj xobʼ tej t-xi tqʼamaʼn axix tok (bʼaʼn ax) tiʼj Jehová.
Kubʼ tbʼinchen Jesús nim (bʼampo) tbʼanel, pero el ikʼun kyuʼn nim xjal (1 Pedro 2:21-24)
E kubʼ tqʼanin Jesús yabʼ ex e jaw anqʼin kyimni tuʼn.
Aʼyeju nejenel kye okslal el kyikʼen Jesús tuʼnju in xitaq tqʼamaʼn qa nya ax tok aju in kubʼtaq kyxnaqʼtzaʼn ex qa nya bʼaʼn xjalqetaq.
Kubʼ kykʼuʼj soldad te Roma kyuʼn tuʼn tok kykʼixbʼisaʼn Jesús ex tuʼn tkubʼ kybʼiyoʼn.
Bʼalo ax ikx tgana jlu
¿ALKYE TQANIL TKUʼX TOJ TYOL DIOS?
Ul Mesías
¿Tzeʼn e ajbʼen anjel ex Juan el Bautista tuʼn Jehová tuʼn ttzaj tyekʼun qa a Jesús Mesías? ¿Alkye tten tzaj tyekʼunxix Jehová qa a Jesús Mesías?
¿ALKYE TQANIL TKUʼX TOJ TYOL DIOS?
Pakbʼan Jesús tiʼj tKawbʼil Dios
¿Alqibʼaj yolinxix Jesús tej tpakbʼan? ¿Tzeʼn kubʼ tyekʼun Jesús qa kkawil toj tbʼanel ex tukʼe kʼujlabʼil?
