XNAQʼTZBʼIL 9
¿Jtoj tzʼok Txʼotxʼ te jun Tbʼanel Najbʼil?
Aju nya bʼaʼn in tzaj twitz tkyaqil Txʼotxʼ in tzaj tyekʼun qa chʼixtl tel tiʼn tKawbʼil Dios nya bʼaʼn (Lucas 21:10, 11; 2 Timoteo 3:1-5)
Kyaj tqʼamaʼn Tyol Dios aju in nikʼ jaʼlo (jaʼla). Kyaj tqʼamaʼn qa ktel kykʼuʼj xjal tiʼjju kyajbʼil (kygan), tiʼj pwaq (tumi), tiʼj bʼiybʼel ex qa mlay tzʼokx kybʼiʼn kʼwaʼl kytat.
Kyaj tqʼamaʼn Tyol Dios qa ok tzul kyaqnajnabʼ (terremotos), qʼoj, yabʼil ex qa mlay kanin wabʼj. Tkyaqil jlu in nikʼ jaʼlo.
Ax ikx kyaj tqʼamaʼn qa ok kxel pakbʼet tbʼanel tqanil tiʼj tKawbʼil Dios twitz tkyaqil Txʼotxʼ (Mateo 24:14).
Ok kbʼel tnajsaʼn tKawbʼil Dios tkyaqil nya bʼaʼn (2 Pedro 3:13)
Chʼixtl kykubʼ tnajsaʼn Jehová nya bʼaʼn xjal.
Ok kbʼel tqʼoʼn Dios tkastiw Satanás ex qe nya bʼaʼn anjel.
Aʼyeju kʼokex kybʼiʼn Dios ok che najal toj akʼaj twitz txʼotxʼ, atz jatumel mlay che tzaj xobʼtl ex tuʼnju kykyaqil ok kbʼel kybʼinchaʼn aju tbʼanel, ok kʼokel qʼuqeʼ kykʼuʼj kyiʼj kyukʼe. Ok kʼokel kykʼujlaʼn kyibʼ kykyaqil xjal.
Bʼalo ax ikx tgana jlu
UʼJ EX NIMAQ UʼJ
¿Tiʼ aju Tkawbʼil Dios?
Tej tten Jesús tzalu twitz txʼotxʼ, kubʼ tyekʼun junjun techel tiʼj qe tiʼchaq che bʼantel tuʼn Tkawbʼil Dios.
UʼJ EX NIMAQ UʼJ
¿Kpolpetzele jun qʼij jatumel miʼn tzajtl yajbʼil qiʼj?
In tzaj tqʼamaʼn Xjan Uʼj qa ok kʼelel tiʼn Dios nya bʼaʼn in nok kybʼinchaʼn xjal tiʼj txqantl ex qa in qʼaqʼinxix tkʼuʼj kyiʼj xjal. ¿Tzeʼn teya in nela toj twitz?
