XNAQʼTZBʼIL 13
¿Tiʼ kbʼantel quʼn tuʼn ttzalaj Dios qiʼj?
Qtzaqpinkj nya bʼaʼn (1 Corintios 6:9, 10)
Qa kʼujlaʼn Dios quʼn, mlay kubʼ qbʼinchaʼn aju nya bʼaʼn toj twitz.
Nya tgan Jehová tuʼn qelqʼan, tuʼn qtxʼujti nix tuʼn t-xi qkʼaʼn droga.
Nya bʼaʼn toj twitz Dios tuʼn kykubʼ qbʼiyoʼn xjal, tuʼn tel kyiʼn xuʼj kyal ex nya bʼaʼn tuʼn tok ten jun xinaq, moqa jun ichan, tiʼj juntl xinaq. Nya tgan Jehová tuʼn tpon qkʼuʼj tiʼj nimku tiʼ nix tuʼn qbʼiyen (qbʼujun).
Nya bʼaʼn tuʼn qxiʼ kyukʼe chman qanel onbʼil ex nya bʼaʼn tuʼn qkubʼ mejeʼ kywitz sant.
Mlayx che anqʼin nya bʼaʼn xjal toj Tbʼanel Najbʼil.
Qbʼinchanku aju bʼaʼn (Mateo 7:12)
Tuʼn ttzalaj Dios qiʼj, il tiʼj tuʼn tok tilil quʼn tuʼn qok ik tzeʼn te.
Kbʼel qyekʼun qkʼujlabʼil qa tbʼanel xjal qoʼ ex qa ma txi qqʼoʼn junjun tiʼ kye txqantl tuʼn tkyaqil qanmi.
Miʼn che kubʼ qsbʼuʼn xjal.
Ilxix tiʼj tuʼn ttzaj qʼaqʼin qkʼuʼj kyiʼj txqantl xjal ex tuʼn tkubʼ qnajsaʼn kyil.
Qqʼamanx kye txqantl alkye Jehová ex alkyeqe tkawbʼil (Isaías 43:10).
Bʼalo ax ikx tgana jlu
QE XNAQʼTZBʼIL NIM KYOKLEN TOJ TYOL DIOS
¿In xipe tkʼamoʼn Dios kykyaqil okslabʼil?
Nim xjal in kubʼ kyximen qa jaku ten alkyexku qokslabʼil.
TQANIL KYIʼJ TESTIGOS DE JEHOVÁ
¿Tiquʼn bʼaʼn tuʼn t-xnaqʼtzana tiʼj Tyol Dios?—Video matij tqan
O tzʼonin Tyol Dios kyiʼj nimxix xjal tuʼn kykanet tzaqʼwebʼil nimxix kyoklen kyuʼn. In qo txokine tiʼja tuʼn t-xnaqʼtzana tiʼj Tyol Dios.
