XNAQʼTZBʼIL 5
¿Alkye xjal bʼin te Dios tej naʼmxtaq ttzaj Nim Jbʼal?
Toj tqʼij Noé, chʼixme kykyaqil xjal in kubʼtaq kybʼinchaʼn nya bʼaʼn (Génesis 6:5)
E ul kykʼwaʼl Adán tukʼe Eva, ex chmet kybʼet xjal twitz Txʼotxʼ. At junjun anjel okx kybʼiʼn tyol Satanás, e kuʼtz twitz Txʼotxʼ ex e ok te xjal tuʼn kymojeʼ kyukʼe xuʼj.
E ul itzʼji kyal xuʼj lu: nimtaq kyipun (kybʼalor) kʼwaʼl lu ex nyataq bʼaʼnqe. Nim (bʼampo) xjal e ok ten bʼinchel nya bʼaʼn.
In tzaj tqʼamaʼn Tyol Dios qa «mya bʼaʼntoq kybʼinchbʼen xjal twitz txʼotxʼ ex kukx in che ximantoq oʼkx tiʼj mya bʼaʼn».
Okx tbʼiʼn Noé qMan Dios ex kubʼ tbʼinchaʼn jun ark (Génesis 6:13, 14, 18, 19, 22)
Tbʼanel xjaltaq te Noé. Tzaj tqʼamaʼn Jehová te qa ktzajeltaq Nim Jbʼal tuʼn kykubʼ tnajsaʼn nya bʼaʼn xjal.
Tzaj tqʼamaʼn Dios te Noé tuʼn tkubʼ tbʼinchen jun matij (nim) ark, ex tuʼn kyokx tqʼoʼn txkup (jil) toj ex qe toj tja.
Xi tqʼamaʼn Noé kye xjal qa ok tzul Nim Jbʼal, pero mitiʼ (tiloʼ) xi kybʼiʼn. At junjun e xmayin tiʼj ex txqantl tzaj kyqʼoj tiʼj.
Tej tbʼaj tbʼinchaʼn Noé ark e okx tqʼoʼn txkup toj.
Bʼalo ax ikx tgana jlu
¿ALKYE TQANIL TKUʼX TOJ TYOL DIOS?
Aʼyeju e kyaj anqʼin tej ttzaj Nim Jbʼal
¿Alkye tten chʼiy nya bʼaʼn twitz Txʼotxʼ? ¿Tzeʼn kubʼ tyekʼun Noé qa kukx in najbʼentoq te Jehová?
