XNAQʼTZBʼIL 14
¿Tiʼ kbʼantel tuʼna tuʼn tajbʼena oʼkx te Dios?
Tzʼajbʼena (tokʼena) te Jehová (1 Pedro 5:6-9)
Ilxix tiʼj tuʼn miʼn tkubʼ tbʼinchaʼna aju nya bʼaʼn toj twitz Dios, tuʼn tbʼant jlu, il tiʼj tuʼn miʼn ttzaj xobʼa.
Miʼ tzʼokx tqʼon tibʼa kyxol ajkawil, tuʼnju mitiʼ (tiloʼ) in che onin tiʼj tKawbʼil Dios.
Aju mas bʼaʼn tuʼn tkubʼ tbʼinchaʼna: aju tuʼn tokx tbʼiʼna Dios (Mateo 7:24, 25)
Chmonk tibʼa kyukʼe testigos de Jehová, jaku tzaj onina kyuʼn tuʼn t-xi laqʼeʼya ttxlaj Dios.
Kukx ojtzqinka Jehová ex bʼinchankuya aju in tzaj tqʼamaʼn.
Aj tchʼiy qʼuqbʼil tkʼuʼja (tnimbʼila), qʼamanxa te Jehová qa taja tuʼn tajbʼena te ex bʼaʼn tuʼn tjaw aʼ twiʼya (tbʼyana) (Mateo 28:19).
Bʼinxa qMan Dios. Uʼjina, moqa ẍchʼina, tiʼj Tyol ex qʼamanxa kye testigos de Jehová tuʼn ttzaj onina kyuʼn tuʼn tok Tyol Dios toj twiʼya. Bʼinchankuya aju in tzaj tqʼamaʼn, qa ma bʼant jlu tuʼna, jaku tzʼanqʼina te jun majx (juneleʼx) (Salmo 37:29).
Bʼalo ax ikx tgana jlu
MEETINGS
¿Tiʼ in bʼaj toj jun Ja te Chmabʼil?
Qʼoʼnk twitza kyiʼj qe qtembʼile jatumel in nok qchmoʼn qibʼe ex qʼonk twitza tiʼjju in bʼant quʼne kyoj.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
TQANIL KYIʼJ TESTIGOS DE JEHOVÁ
Tuʼn tten toj jun chmabʼil
Ojtzqinka mas kyiʼj qe qchmabʼile. Jyontza jun Ja te Chmabʼil nqayin taʼ jatumel najliya.
