XNAQʼTZBʼIL 02
In tzaj tqʼoʼn Tyol Dios jun qʼuqbʼil qkʼuʼj
Twitz tkyaqil Txʼotxʼ in che ok weʼ xjal twitz nya bʼaʼn, tuʼn jlu in tzaj kybʼis, in kubʼ kynaʼn siktleʼn ex kʼixkʼoj. ¿Ope bʼaj jlu tiʼja? Bʼalo in nikʼx kʼixkʼoj tuʼna tuʼnju tok jun yabʼil tiʼja moqa tuʼnju o kyim jun toj tjaya. Axlo ikx in ximana tiʼj qa kpol jun qʼij jatumel kʼelel qʼiʼn tkyaqil jlu. In tzaj qʼuqbʼaʼn qkʼuʼj tuʼn tzaqʼwebʼil in tzaj tqʼoʼn Tyol Dios.
1. ¿Tiʼ qʼuqbʼil qkʼuʼj in tzaj tqʼoʼn Tyol Dios?
In tzaj tqʼamaʼn Tyol Dios tiquʼn at nim nya bʼaʼn twitz txʼotxʼ. Ax ikx in tzaj tqʼamaʼn qe qa mlay che ten nya bʼaʼn lu te jumajx ex qa chʼix tpon ambʼil tuʼn kyel qʼiʼn. Jaku txi qʼuqbʼaʼn tkʼuʼja kyuʼn tziybʼil ateʼ toj Tyol Dios tiʼj ambʼil tzul (uʼjinktza Jeremías 29:11, 12). In che onin tziybʼil lu qiʼj tuʼn qex kywitz nya bʼaʼn ex tuʼn tten jun tbʼanel qximbʼetz. Ax ikx in nonin qiʼj tuʼn tok qeʼxix qkʼuʼj tiʼj qa ok qo tzalajel te jumajx toj tqʼijlalil tzul.
2. ¿Tiʼ in tzaj tqʼamaʼn Tyol Dios tiʼj ambʼil tzul?
In tzaj tqʼamaʼn Tyol Dios qa toj ambʼil tzul ya miʼn tentl «kamik, ex mintiʼtl bʼis, ex mintiʼtl oqʼel, ex mintiʼtl kʼixkʼoj» (uʼjinktza Apocalipsis 21:4). Kʼelel qʼiʼn tkyaqilju nya bʼaʼn in tzaj qiʼj tuʼn yabʼil, mebʼayil, ikʼbʼil ex kamik moqa kyimen. In tzaj ttziyen Tyol Dios qa che tzalajel xjal tiʼj kyanqʼibʼil aj tok Txʼotxʼ te jun paraíso.
3. ¿Tiʼ kʼonil tiʼja tuʼn tok qeʼ tkʼuʼja tiʼjju in tzaj ttziyen Tyol Dios?
Ateʼ nim xjal in kubʼ kyximen qa che okel tiʼchaq te tbʼanel, pero mintiʼ in nok qeʼxix kykʼuʼj tiʼj qa ax tok kbʼajel jlu. Atzunte Tyol Dios in tzaj tqʼamaʼn qa ax tok kbʼajel jlu. Tuʼntzunju, tuʼn tok qeʼxix qkʼuʼj kyiʼj tziybʼil lu, tbʼanel qa ma qo xnaqʼtzan tiʼjju in tzaj tqʼamaʼn «tuj Tuʼjil tyol Dios» (Hechos 17:11). Aj t-xnaqʼtzana tiʼj Tyol Dios, kʼonil tiʼja tuʼn tkubʼ t-ximana qa jaku tzʼok qeʼ tkʼuʼja tiʼjju in tzaj tqʼamaʼn tiʼj ambʼil tzul.
QO JYON MAS TQANIL
Qo xnaqʼtzan kyiʼj junjun tiʼchaq in tzaj tqʼamaʼn Tyol Dios tuʼn tbʼaj toj ambʼil tzul ex tzeʼn in nonin jlu toj ambʼil jaʼlo kyiʼj junjun xjal.
4. In tzaj ttziyen Tyol Dios tuʼn qanqʼin te jumajx toj jun tbʼanel txʼotxʼ
Qʼonka twitza kyiʼj junjun tiʼchaq in tzaj ttziyen Tyol Dios. ¿Alkye junjun mas tgana ex tiquʼn?
Jaku jaw kyuʼjine qe taqikʼ Tyol Dios ateʼ junx kyukʼil qe tziybʼil ateʼ kubʼni ex jaku che yoline kyiʼj xjel lu:
-
¿In tzajpe qʼuqbʼaʼn qkʼuʼj kyuʼn taqikʼ Tyol Dios lu? ¿Jakupe tzʼonin jlu kyiʼj toj tjaya ex qe tamiwa?
Ximana tiʼj qa in nanqʼina twitz jun txʼotxʼ ik tzeʼn jlu:
|
NI JUN XJAL. . . |
KYKYAQIL XJAL. . . |
|---|---|
|
|
|
|
|
|
|
|
|
|
5. Jaku ten jun tbʼanel qanqʼibʼil tuʼn qʼuqbʼil qkʼuʼj in tzaj tqʼoʼn Tyol Dios
Nim xjal in tzaj bʼaj kykʼuʼj tuʼn tkyaqil nya bʼaʼn at toj ambʼil jaʼlo, axpe ikx in tzaj kyqʼoj tuʼn tpaj jlu. Ateʼ junjun in nok tilil kyuʼn tuʼn tkyaj tkyaqil toj ttxolil. Keʼyinka tzeʼn in nonin aju in tzaj ttziyen Tyol Dios kyiʼj nimku xjal toj ambʼil jaʼlo. Kyqʼonke kywitze tiʼj VIDEO ex che yoline kyiʼj xjel lu:
-
Ik tzeʼn setz yekʼin toj video, ¿alkye nya bʼaʼn tajtoq Rafika tuʼn t-xi tbʼinchaʼn tiʼj?
-
Maske mintiʼ kubʼ naj ikʼbʼil ok tqʼoʼn twitz tiʼj, ¿tzeʼn onin Tyol Dios tiʼj?
Jaku tzʼonin Tyol Dios qiʼj tuʼn qex kywitz nya bʼaʼn ex tuʼn miʼn ttzaj qbʼis kyuʼn. Kyuʼjinktze Proverbios 17:22 ex Romanos 12:12, ex che yoline tiʼj xjel lu:
-
¿In kubʼpe t-ximana qa jaku tzʼonin tbʼanel tqanil in tzaj tqʼoʼn Tyol Dios tiʼja? ¿Tiquʼn?
AJU IN TZAJ KYQʼAMAʼN JUNJUN XJAL: «Kwest tuʼn t-xi qnimen qa ax tok aju in tzaj tqʼamaʼn Tyol Dios».
-
Qa ax tok che japunel qe tziybʼil ateʼ toj Biblia, ¿tiquʼn nim toklen tuʼn qxnaqʼtzan kyiʼj?
TOJ CHʼIN YOL
In tzaj tqʼamaʼn Tyol Dios qa ktel jun tbʼanel qanqʼibʼil toj ambʼil tzul. In tzaj tqʼuqbʼaʼn jlu qkʼuʼj ex in nonin qiʼj tuʼn qex kywitz nya bʼaʼn.
Aju ma qo yolin tiʼj
-
¿Tiquʼn nim toklen tuʼn tten qʼuqbʼil kykʼuʼj xjal?
-
¿Tiʼ in tzaj tqʼamaʼn Tyol Dios tiʼj ambʼil tzul?
-
¿Tzeʼn jaku tzʼonin tiʼja aju qʼuqbʼil qkʼuʼj in tzaj tqʼoʼn Tyol Dios?
OJTZQINKA CHʼINTL
Ojtzqinka tzeʼn jaku tzʼonin qʼuqbʼil qkʼuʼj in tzaj tqʼoʼn Tyol Dios.
«¿Jatumel jaku kanet qʼuqbʼil qkʼuʼj?» (¡Weʼktza!, 22 te abril te 2004)
Ojtzqinka tzeʼn o tzʼonin qʼuqbʼil qkʼuʼj in tzaj tqʼoʼn Tyol Dios kyiʼj qeju tok jun matij yabʼil kyiʼj.
«¿Jakupe tzʼonin Tyol Dios qiʼj tuʼn tikʼx jun yabʼil quʼn?» (Xnaqʼtzbʼil toj jw.org)
Aj tok tkeʼyina bʼitz lu, bʼaʼn tuʼn t-ximana tiʼj qa in tzalaja junx kyukʼil toj tjaya toj Tbʼanel Najbʼil.
Uʼjinktza tzeʼn onin Tyol Dios tiʼj jun xjal tuʼn tchʼexpaj tanqʼibʼil, aju ok tilil tuʼn toj ambʼil ojtxe tuʼn kykyaj qe tiʼchaq toj ttxolil.
«Ya nya waje tuʼn tkubʼ nchʼexpuʼne jun tiʼ» (Aju Xqʼuqil, 1 te julio te 2013)
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
