¿Alkyexix in kawin kyibʼaj xjal twitz Txʼotxʼ?
¿Jaku txi tqʼamaʼna qa...
-
... a Dios?
-
... aʼye xjal?
-
... jun xewbʼaj nya qʼanchaʼl?
¿TIʼ IN TZAJ TQʼAMAʼN TYOL DIOS?
«Kykyaqil xjal twitz txʼotxʼ ateʼ tjaqʼ tipumal tajaw il.» (1 Juan 5:19.)
«Tuʼntzun tlaj jlu ul aj Tkʼwaʼl Dios twitz txʼotxʼ, tuʼntzun tkubʼ xitj tkyaqil taqʼunbʼen tajaw il.» (1 Juan 3:8, Aju Xjan Tuʼjil Tyol Dios.)
¿TZEʼN JAKU TZʼONIN QIʼJ?
Jaku tzʼel qnikʼ tiquʼn in tzaj nya bʼaʼn kyiʼj xjal (Apocalipsis 12:12).
Jaku tzʼok qʼuqeʼ qkʼuʼj qa chʼix tul kanen jun tbʼanel najbʼil (1 Juan 2:17).
¿JAKUPE TZʼOK QʼUQEʼXIX QKʼUʼJ TIʼJJU IN TZAJ TQʼAMAʼN TYOL DIOS?
Jaku, qo yolil tiʼj oxe tiquʼn:
-
O tzaj qʼamaʼn qa kbʼel najsaʼn tkawbʼil Satanás. O bʼaj t-ximen Jehová tuʼn tel tiʼn tkawbʼil Satanás kyibʼaj xjal. In tzaj ttziyen qa kbʼel tnajsaʼn «tajaw il» ex tkyaqilju nya bʼaʼn o tzaj tuʼn (Hebreos 2:14).
-
O jaw t-skʼoʼn qMan Dios Jesucristo te ajkawil. Junxitl te Jesucristo twitzju nya bʼaʼn ajkawil in kawin kyibʼaj xjal jaʼlo (jaʼla) ex aju oʼkx in ximen tiʼjx. Axpe ikx in tzaj tqʼamaʼn Dios jlu tiʼj tkawbʼil Jesucristo: «Ktzajel tzʼeʼy tkʼuʼj kyiʼj qe xjal mans, ex che kletel qe xjal mebʼa tuʼn. Che kletel tuʼn tuj kyqʼabʼ qeju in che yajlan kye ex tuj kyqʼabʼ qe bʼyol xjal» (Salmo 72:13, 14).
-
Mitiʼ in tzaj tqʼamaʼn Dios jun nya ax tok yol. In tzaj tqʼamaʼnxix Xjan Uʼj (Biblia) jlu: «Mlay bʼant tuʼn tnikʼan Dios yol» (Hebreos 6:18). Kyjuʼtzun, aj ttzaj tqʼamaʼn Jehová jun tiʼ, jaku tzʼok qʼuqeʼ qkʼuʼj tiʼj qa ok kbʼantel tuʼn (Isaías 55:10, 11). Ex o tzaj ttziyen qa «aju nejenel [moqa kawil] at twitz txʼotxʼ kʼelex lajoʼn» (Juan 12:31).
XIMANA TIʼJ JLU:
¿Tzeʼn kyanqʼibʼil xjal ktel aj tel qʼiʼn tkawbʼil Satanás kyibʼaj?
In tzaj ttzaqʼweʼn Tyol Dios jlu toj SALMO 37:10, 11 ex APOCALIPSIS 21:3, 4.
Bʼalo ax ikx tgana jlu
QE XNAQʼTZBʼIL NIM KYOKLEN TOJ TYOL DIOS
¿Tiquʼn in tzaj tqʼoʼn Dios ambʼil te yajbʼil?
In kanet tzaqʼwebʼil quʼn toj Tyol Dios aju in tzaj tqʼuqbʼaʼn qkʼuʼj.
QE XJEL TIʼJ TYOL DIOS
¿Axpe tok at Tajaw il?
¿Axpe tok at Satanás moqa noq in nok te jun techel tiʼj tkyaqil nya bʼaʼn?
AJU XQʼUQIL
¿Qo tzajeltzulo xobʼ te Satanás?
In tzaj tqʼoʼn Dios kyaje onbʼil qe aj tok tbʼinchan Satanás nya bʼaʼn qiʼj.
CAMPAÑA ESPECIAL
¿Tiquʼn bʼaʼn tuʼn t-xnaqʼtzana tiʼj Tyol Dios?—Video matij tqan
O tzʼonin Tyol Dios kyiʼj nimxix xjal tuʼn kykanet tzaqʼwebʼil nimxix kyoklen kyuʼn. In qo txokine tiʼja tuʼn t-xnaqʼtzana tiʼj Tyol Dios.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
