Tqanil kye qeju che pol
QE CHMABʼIL NIM KYOKLEN
XNAQʼTZBʼIL KYE PAKBʼAL TIʼJ TKAWBʼIL DIOS. In xi qʼet txokbʼil kyiʼj precursor o che japun twi 23 a 65 abʼqʼi, aqeju kyaj tuʼn kyajbʼen mas te Jehová. Kʼokel chmabʼil lu toj domingo te qale. Kʼeletz qʼamaʼn kyoj tqanil alkye or ex jatumel kʼokel chmabʼil lu.
AJBʼEBʼIL TOJ BETEL. Aqeju pakbʼal o jaw aʼ kywiʼ ex naʼmx kyikʼ twi 35 abʼqʼi, ex kyaj tuʼn kyxiʼ ajbʼel toj Betel, jaku kubʼ kyximen tuʼn kyten toj chmabʼil kʼokel toj viernes te qale. Kʼeletz qʼamaʼn kyoj tqanil alkye or ex jatumel kʼokel chmabʼil lu.
TQANIL KYE QEJU CHE POL TOJ NIMAQ CHMABʼIL
QE NUKʼUL. Ateʼqe erman nukʼul tuʼn kyonin tiʼja. Jaku tzʼonina kyiʼj aj t-xi tbʼiʼna aju ktzajel kyqʼamaʼn teya tiʼj tembʼil kye kar, aj tbʼeta kyxol qʼuqbʼil, aj tel tpaʼna qe qʼuqbʼil ex tiʼj junjuntl tqanil.
QE QʼUQBʼIL. In xi qqanine xtalbʼil teya tuʼn t-ximana kyiʼj txqantl aj tel tpaʼna qe qʼuqbʼil. Bʼaʼn tuʼn tel tpaʼna oʼkx kye qe toj tjaya, kye qeju che pol junx tukʼila toj kar, kye qe in che najan junx tukʼila ex qa kye qeju in che xnaqʼtzan tiʼj Tyol Dios tukʼila. Miʼn kyaj tqʼoʼna jun tiʼ kyoj qʼuqbʼil miʼn che ajbʼen tuʼna.
KYE QEJU KJAWEL Aʼ KYWIʼ. Kʼelel paʼn qe qʼuqbʼil ateʼ twitz plataforma kye qeju kjawel aʼ kywiʼ, oʼkx jaku che ajbʼen qa ma tzaj qʼoʼn junxitl tqanil. Il tiʼj tuʼn kykubʼ qeʼ qeju kjawil aʼ kywiʼ toj kyqʼuqbʼil naʼmxtoq ttzyet chikʼbʼabʼil kʼeletz qʼoʼn kye toj sábado te prim. Kykyaqil qeju kjawil aʼ kywiʼ, il tiʼj tuʼn ttzaj kyiʼn kytoalla ex kyxbʼalun bʼaʼn keʼyin tuʼn kykuʼx toj aʼ.
OYAJ. Ma txi tiʼn nim pwaq tuʼn ttzaj qʼoʼn tbʼanel qqʼuqbʼil, tuʼn tten tbʼanel tqʼajqʼajel ex tuʼn kyetz yekʼin video, ex kyiʼj junjuntl tiʼ in che ajbʼen tuʼntzun qtzalaj tiʼj nimaq chmabʼil ex tuʼn qpon laqʼeʼ mas ttxlaj Jehová. Aju oyaj in tzaj kyqʼoʼne in nonin tuʼn tchjet tkyaqil jlu ex tuʼn tajbʼen tiʼj aqʼuntl in bʼant twitz tkyaqil Txʼotxʼ. Ma che kubʼ qʼoʼn tkubʼil oyaj toj tkyaqil lugar te chmabʼil. In xi qʼet nim chjonte tiʼj tkyaqil onbʼil in tzaj kyqʼoʼne. In xi kyqʼoʼn Kʼloj Xjal Qʼil Twitz Aqʼuntl nim chjonte kyeye tuʼn onbʼil in tzaj kyqʼoʼne tiʼj aqʼuntl at toklen tiʼj Tkawbʼil Dios.
KʼUBʼIL QE TIʼCHAQ IN CHE KYAJ TZʼAQ. Qa ma kanet jun tiʼ tuʼna aju otoq kyaj tzʼaq, jaku txi tiʼna toj Kʼubʼil kye tiʼchaq in che kyaj tzʼaq. Qa at jun tiʼ ma kyaj tzʼaq tuʼna, jaku txiʼya jyolte toj lugar lu. Ax ikx, bʼaʼn tuʼn kyxi qʼiʼn qe kʼwaʼl in che kyaj naj kyxol txqantl. Noqtzun tuʼnj, mintiʼ in nok lugar lu te xqʼuqbʼil qe kʼwaʼl. In xi qqanine xtalbʼil kye tatbʼaj tuʼn tok kyxqʼuqin kykʼwaʼl ex tuʼn miʼn kyel laqʼeʼ najchaq.
ONBʼIL KYIʼJ YABʼ. Bʼaʼn tuʼn ttzaj tnaʼna qa OʼKX jaku txiʼya toj lugar lu qa ATXIX TAJBʼEN teya.
QA TAJA TUʼN TONINA. Jaku txiʼya toj lugar jatumel in tzaj qʼoʼn Tqanil ex alkye onbʼil jaku txi qʼet qa taja tuʼn tonina kyiʼj txqantl aqʼuntl tiʼj nimaq chmabʼil.
Bʼinchan maj tuʼn Kʼloj Xjal Qʼil Twitz Aqʼuntl kye testigos de Jehová
Tqanil kye qeju che pol toj nimaq chmabʼilinformationTqanil | Programa tiʼj nimaq chmabʼil te 2017 «¡Miʼn sikta!»Tqanil kye qeju che pol toj nimaq chmabʼil. Nimaq chmabʼil kye testigos de Jehová aju toj tbʼi: «¡Miʼn sikta!»tqanil, qeju che pol, qe chmabil, jw, nimaq chmabil, programa, 2017, testigos de jehova, min sikta, mamTqanil kye qeju che polTqanil kye qeju che polJakulo kubʼ t-ximana tuʼn ttena kyoj junjun chmabʼil nim kyoklen ik tzeʼn tkubʼ toj programa. Ax ikx jaku tzʼok tqʼoʼn mas twitza tzalu tiʼj tqanil kyiʼj qe nukʼul, qeju kjawil aʼ kywiʼ, kyiʼj oyaj, kʼubʼil qe tiʼchaq in che kyaj tzʼaq ex aju qa taja tuʼn tonina.Tqanil kye qeju che polTqanil kye qeju che pol
