Tqʼama Jesús qa aqeju xjal at jun tbʼanel kyanmi kʼelel kynikʼ tiʼj axix tok (Juan 10:4, 27). Tuʼntzunju, qaj tuʼn qyolin kyukʼil xjal kyiʼj xnaqʼtzbʼil nya kwest tuʼn tel kynikʼ tiʼj. Tuʼn t-xi tzyet tuʼn qyolin, jaku txi qqʼamaʼn jlu: «¿Ojtzqiʼn tuʼna qa…?» moqa «¿Ope tzʼok tbʼiʼna qa…?». Tibʼajxi jlu, jaku qo yolin tiʼj jun xnaqʼtzbʼil at toj Biblia. Yajxitl, jaku tzʼajbʼen jun texto quʼn aju in yolin tiʼj xnaqʼtzbʼil. Qa ma qo yolin tukʼil xjal tiʼj jun xnaqʼtzbʼil at toj Tyol Dios, in nok jlu ik tzeʼn aj tkuʼx qawaʼn jun ijaj toj tanmi xjal. ¡Ex jaku chʼiy ijaj lu tuʼn Dios! (1 Cor. 3:6, 7).

•  Ambʼil tzul

•  Familia

•  Dios

•  Naʼj Dios

•  Jesús

•  Tkawbʼil Dios

•  Yajbʼil

•  Kamik

•  Qe okslabʼil

 AMBʼIL TZUL

1. 1. Chʼix tpon ambʼil tuʼn tchʼexpaj aju in bʼaj toj ambʼil jaʼlo tuʼnju in nok qqʼoʼn qwitz kyiʼj nim tiʼchaq ex tuʼnju kymod xjal in kubʼ kyyekʼin (Mat. 24:3, 7, 8; Luc. 21:10, 11; 2 Tim. 3:1-5).

2. 2. Mlayx kubʼ xitin Txʼotxʼ (Sal. 104:5; Ecl. 1:4).

3. 3. Kxel bʼinchaʼn tiʼj tkyaqil nya bʼaʼn o tzʼok bʼinchaʼn tiʼj Txʼotxʼ kyuʼn xjal (Is. 35:1, 2; Apoc. 11:18).

4. 4. Ni jun xjal tzul yabʼil tiʼj toj ambʼil tzul (Is. 33:24; 35:5, 6).

5. 5. Jaku tzʼanqʼina te jumajx tzalu twitz Txʼotxʼ (Sal. 37:29; Mat. 5:5).

 FAMILIA

1. 6. Il tiʼj tuʼn tok tkʼujlaʼn chmilbʼaj t-xuʼjil «ik tzaʼn in tkʼujlan tibʼ» (Efes. 5:33; Col. 3:19).

2. 7. Il tiʼj tuʼn t-xi tnimen xuʼjilbʼaj tchmil (Efes. 5:33; Col. 3:18).

3. 8. Mintiʼ tuʼn t-xi tjyoʼn chmilbʼaj moqa xuʼjilbʼaj juntl tukʼil (Mal. 2:16; Mat. 19:4-6, 9, TNM; Heb. 13:4).

4. 9. Bʼaʼn ktel kyanqʼibʼil kʼwal qa ma che bʼin kye kyman ex qa ma che respetarin kye (Prov. 1:8, 9; Efes. 6:1-3).

 DIOS

1. 10. At jun tbʼi Dios (Éx. 6:3; Is. 42:8).

2. 11. At jun tbʼanel tqanil tuʼn Dios qe (2 Tim. 3:16, 17; 2 Ped. 1:20, 21).

3. 12. Tzʼaqli Dios ex mintiʼ in nok tqʼoʼn twitz tiʼj kyyajil xjal (Deut. 10:17; Hech. 10:34, 35).

4. 13. Taj Dios tuʼn tonin qiʼj (Sal. 46:1; 145:18, 19).

  NAʼJ DIOS

1. 14. Taj Dios tuʼn qnaʼn Dios te (Sal. 62:8; 65:2; 1 Ped. 5:7).

2. 15. In tzaj tyekʼin Biblia tzeʼn tuʼn qnaʼn Dios (Mat. 6:7-13; Luc. 11:1-4).

3. 16. Il tiʼj tuʼn kukx qnaʼn Dios (Mat. 7:7, 8; 1 Tes. 5:17).

 JESÚS

1. 17. Ok Jesús te jun tbʼanel xnaqʼtzal ex in che onin tconsej qiʼj (Mat. 6:14, 15, 34; 7:12).

2. 18. Kyaj tqʼamaʼn Jesús alkyeqe tiʼchaq tuʼn kybʼaj toj ambʼil jaʼlo (Mat. 24:3, 7, 8, 14; Luc. 21:10, 11).

3. 19. A Jesús tkʼwal Dios (Mat. 16:16; Juan 3:16; 1 Juan 4:15).

4. 20. Nya a Jesús in nok te Dios (Juan 14:28; 1 Cor. 11:3).

 TKAWBʼIL DIOS

1. 21. Jun ax tok gobierno aju Tkawbʼil Dios at toj kyaʼj (Dan. 2:44; 7:13, 14; Mat. 6:9, 10; Apoc. 11:15).

2. 22. Kkawil Tkawbʼil Dios te t-xel kykawbʼil xjal (Sal. 2:7-9; Dan. 2:44).

3. 23. Oʼkx Tkawbʼil Dios jaku txi bʼinchante tiʼj tkyaqil nya bʼaʼn in tzaj kyiʼj xjal (Sal. 37:10, 11; 46:9; Is. 65:21-23).

 YAJBʼIL

1. 24. Nya tuʼn Dios in tzaj yajbʼil qiʼj (Deut. 32:4; Sant. 1:13).

2. 25. A Satanás in kawin tibʼaj Txʼotxʼ (Luc. 4:5, 6; 1 Juan 5:19).

3. 26. In nok tqʼoʼn twitz tiʼj yajbʼil in tzaj qiʼj ex taj tuʼn tonin qiʼj (Sal. 34:17-19; Is. 41:10, 13).

4. 27. Chʼix tpon ambʼil tuʼn tel tiʼn Dios tkyaqil yajbʼil (Is. 65:17; Apoc. 21:3, 4).

 KAMIK

1. 28. Mintiʼ jun tiʼ in kynaʼn kyimni ex mintiʼ in che ikʼ toj kʼixkʼoj (Ecl. 9:5; Juan 11:11-14).

2. 29. Mlay che onin kyimni qiʼj ex mlay tzʼok kybʼinchaʼn nya bʼaʼn qiʼj (Sal. 146:4; Ecl. 9:6, 10).

3. 30. Ok che kjawil anqʼin xjal (Job 14:13-15; Juan 5:28, 29; Hech. 24:15).

4. 31. Kʼelel tiʼn Dios kamik te jumajx (Apoc. 21:3, 4; Is. 25:8).

 QE OKSLABʼIL

1. 32. Nya kykyaqil okslabʼil bʼaʼn in che ela toj twitz Dios (Jer. 7:11; Mat. 7:13, 14, 21-23).

2. 33. Nya bʼaʼn in nela toj twitz Dios qa xmeletzʼ jun xjal (Is. 29:13; Miq. 3:11; Mar. 7:6-8).

3. 34. In nel nikʼbʼaj kyiʼj axix tok okslal tuʼnju in kubʼ kyyekʼin kykʼujlabʼil kyxol (Miq. 4:3; Juan 13:34, 35).