Qa ma tzaj tqanin jun xjal jun xjel qe tuʼn tel mas tnikʼ tiʼj jun tiʼ tuʼnju junxitl t-ximbʼetz ik tzeʼn qe ex taj tuʼn t-xi qchikʼbʼaʼn te, nya il tiʼj tuʼn tkubʼaj tuʼn qyolin tukʼil. Tuʼnju qaj tuʼn qyolin kyukʼil «kykyaqil qeju at jun tbʼanel kyanmi tuʼn tten kychwinqlal te jumajx» (Hech. 13:48, TNM).

¿Yajtzun qa in qʼojin jun xjal moqa nya taj tuʼn tyolin? Toj ambʼil lu, jaku kubʼaj tuʼn qyolin tukʼil toj tumel (Prov. 17:14). Tukʼil tbʼanel yol jaku txi qqʼamaʼn te qa jaku qo yolin tukʼil toj juntl maj. Qa ma bʼant jlu quʼn, jakulo qo ok tbʼiʼn toj juntl ambʼil (1 Ped. 2:12).