APÉNDICE C
Tzeʼn jaku txi qqʼoʼn xnaqʼtzbʼil tukʼil libro Tzalaja tiʼj tanqʼibʼila
Kukx e naʼn erman Dios tuʼn tel kynikʼ tiʼj alkye xnaqʼtzbʼil tuʼn tkuʼx qʼet toj libro Tzalaja tiʼj tanqʼibʼila. Tuʼn tajbʼen libro lu tuʼna toj tumel, jaku txi tbʼinchaʼna jlu aj tqʼona xnaqʼtzbʼil tiʼj Biblia kyukʼil xjal.
Naʼmxtoq t-xi tzyet kyxnaqʼtzane
-
1. Bʼinchanku ttena. Ximana tiʼjju nya bʼaʼn in nok weʼ xjal twitz, tiʼjju in tzaj bʼaj tkʼuʼj tiʼj ex tiʼjju nimen tuʼn. ¿Atpe jun xnaqʼtzbʼil kwest tuʼn tel tnikʼ tiʼj moqa tuʼn tkubʼ tanqʼiʼn? Bʼaʼn tuʼn tkubʼ t-xnaqʼtzana qe xnaqʼtzbʼil ex qe video toj plaj «Ojtzqinka chʼintl». Ex ximana tiʼj tzeʼn jaku tzʼonin tiʼj xjal in xnaqʼtzan tukʼila. Qa ma bʼant jlu tuʼna, bʼalo jaku che ajbʼen tuʼna aj t-xnaqʼtzana tukʼil xjal.
Akux in che xnaqʼtzane
-
2. Qa ma tzaj tqʼoʼn xjal ambʼil, bʼaʼn tuʼn t-xi tzyet ex tuʼn tkubʼaj tuʼn kyxnaqʼtzane tukʼil jun naʼj Dios.
-
3. Xqʼuqink tibʼa tuʼn miʼn tyolina nim. Qʼonka twiʼya tiʼj tqanil tkuʼx toj xnaqʼtzbʼil ex qʼonxa ambʼil te xjal tuʼn ttzaj tqʼamaʼn aju in nel tnikʼ tiʼj.
-
4. Aj t-xi tzyet jun akʼaj kʼloj xnaqʼtzbʼil kyuʼne, uʼjinktza xnaqʼtzbʼil nim toklen ex uʼjinktza kybʼi junjun xnaqʼtzbʼil.
-
5. Aj tkubʼaj jun xnaqʼtzbʼil, tzʼajbʼen plaj aju ma qo yolin tiʼj tuʼna, tuʼntzun ttzaj tnaʼn xjal qe xnaqʼtzbʼil ma che xnaqʼtzane tiʼj tukʼil.
-
6. Aj tkubʼ t-xnaqʼtzaʼna junjun xnaqʼtzbʼil tukʼil xjal in xnaqʼtzan tukʼila:
-
Kyuʼjinktze qe tnejel párrafo toj xnaqʼtzbʼil.
-
Kyuʼjinktze tkyaqil texto jatumel in tzaj qʼamaʼn «Kyuʼjinktze».
-
Kyuʼjinktze junjuntl texto tkuʼx toj xnaqʼtzbʼil qa il tiʼj.
-
Yekʼinxa tkyaqil video jatumel in tzaj qʼamaʼn «Kyqʼonke kywitze tiʼj» (qa jaku bʼant tuʼna).
-
Qaninxa tkyaqil xjel.
-
Che yoline kyiʼj tilbʼilal jatumel in tzaj tqʼamaʼn «Qo jyon mas tqanil».
-
Tzʼajbʼen recuadro «Bʼinchankuya jlu» tuʼna, tuʼntzun tel tnikʼ xjal tiʼj qa ya in che bʼant junjun tiʼ tuʼn tuʼn tprogresarin. Tzʼonina tiʼj tuʼn tten tmeta. Ik tzeʼn aju tkubʼ toj recuadro moqa junxitl.
-
Qaninxa te qa at jun xnaqʼtzbʼil moqa video tbʼanel ma tzʼela te toj plaj «Ojtzqinka chʼintl» tej xbʼaj tbʼinchaʼn tten tiʼj xnaqʼtzbʼil.
-
Aj kyxnaqʼtzane, tzʼok tilil tuʼna tuʼn tkubʼaj jun xnaqʼtzbʼil.
-
Aj tkubʼaj tuʼn kyxnaqʼtzane
-
7. Kukx ximana tiʼj xjal in xnaqʼtzan tukʼila. Qaninxa te Jehová tuʼn ttzaj tkʼiwlaʼn xjal tuʼnju in nok tilil tuʼn tuʼn tprogresarin ex tuʼn ttzaj tqʼoʼn tnabʼila tuʼntzun tbʼant tonina tiʼj.
