Aju bʼant tuʼn Jesús

¿Tiʼ xnaqʼtzbʼil jaku tzʼel qiʼn tiʼj Jesús?

2. Mas jaku qo ok bʼiʼn kyuʼn xjal qa ma txi tzyet tuʼn qyolin tiʼj jun xnaqʼtzbʼil tgan.

 Kanoʼmila tiʼj Jesús

3. Tenx t-ximbʼetza toj tumel. Yolina tiʼj jun xnaqʼtzbʼil tgan xjal tuʼn tyolin tiʼj ex nya aju teya tgan. Tuʼntzunju, bʼaʼn tuʼn tkubʼ tchʼexpuʼna t-ximbʼetza ex xjelinkuya jlu:

1.    «¿Tiʼ tqanil in netz kyoj noticia?».

2.   «¿Tiʼ mas in che yolin qe wukʼile toj aqʼuntl, toj escuela ex qe nvesine tiʼj?».

4. Qʼonk twitza tiʼjju in bʼaj. Xjelinkuya jlu:

1.    «¿Tiʼtzulo in bʼant tuʼn xjal toj ambʼil aju? ¿Tiʼtzulo in ximen tiʼj?».

2.   «¿Tiʼ in tzaj tyekʼin weye tiʼjju nimen tuʼn xjal ex kyiʼj tkostumbr tuʼnju tzeʼn keʼyin tja ex tzeʼn in bʼaj t-xbʼalumin tibʼ?».

3.   «¿Ape ambʼil lu mas tbʼanel tuʼn nyoline tukʼil?».

5. Bʼinkuya xjal.

1.    Miʼn yolina nim.

2.   Qʼonxa ambʼil te xjal tuʼn tyolin. Ex qa jaku bʼant, qaninxa junjun xjel te.