TUʼN T-XI TZYET TUʼN TYOLINA
XNAQʼTZBʼIL 2
Yolina ik tzeʼnx teya yolin
Nabʼil toj Tyol Dios: «Mas at tzalajbʼil te qa ma tzaqʼwet tuʼn ok tajbʼen» (Prov. 15:23).
Aju bʼant tuʼn Felipe
1. Qʼonka twitza tiʼj VIDEO moqa uʼjinktza Hechos 8:30, 31. Yajxitl, xnaqʼtzankuya qe xjel lu:
¿Tiʼ xnaqʼtzbʼil jaku tzʼel qiʼn tiʼj Felipe?
2. Qa ma yolina ik tzeʼnx teya yolin, kbʼel tnaʼn xjal bʼaʼn ex maslo kʼokel bʼiʼna tuʼn.
Kanoʼmila tiʼj Felipe
3. Qʼonka twitza kyiʼj junjun tiʼ. ¿Alkye tmod xjal in kubʼ tyekʼin tukʼil twitz? ¿In tzajpe tyekʼin qa taj tuʼn tyolin? Jun tumel tuʼn t-xi tzyet tyolina tiʼj Tyol Dios kyukʼil xjal aju qa ma txi tqʼamaʼna jlu: «¿Ope tzʼok tbʼina qa...?». Qa nya taj xjal tuʼn tyolin, miʼn tzʼok t-obligarina.
4. Tenx tpasensa. Nya il tiʼj tuʼn t-xi tzyet naj tyolina tiʼj Tyol Dios tukʼil xjal, sino bʼaʼn tuʼn tel tnikʼa tiʼj toj alkye ambʼil jaku bʼant tuʼna. Bʼalo tzmaxi kyolila tukʼil tiʼj Biblia toj juntl maj.
5. Tzʼelx tnikʼa tiʼjju taj xjal tuʼn tyolin tiʼj. Jakulo txi tzyet tyolin xjal tiʼj jun tiʼ mintiʼ ayoʼn tuʼna. Maske otoq bʼaj t-ximana alqiʼj tuʼn tyolina, bʼaʼn tuʼn tyolina tukʼil xjal tiʼjju in tzaj bʼaj tkʼuʼj tiʼj.
