BʼINCHANXA QE REVISITA
XNAQʼTZBʼIL 7
Kukx tzʼonina tiʼj xjal
Nabʼil toj Tyol Dios: «Mintiʼ xi kykolin tuʼn t-xi kyqʼoʼn xnaqʼtzbʼil tuj tja Dios» (Hech 5:42).
Aju bʼant tuʼn Pablo
1. Qʼonka twitza tiʼj VIDEO moqa uʼjinktza Hechos 19:8-10. Yajxitl, xnaqʼtzankuya qe xjel lu:
¿Tiʼ xnaqʼtzbʼil jaku tzʼel qiʼn tiʼj Pablo?
2. Il tiʼj tuʼn tel qpaʼn ambʼil tuʼn qxiʼ bʼinchal qe revisita ex tuʼn qxiʼ qʼol xnaqʼtzbʼil tiʼj Tyol Dios.
Kanoʼmila tiʼj Pablo
3. Bʼaʼn tuʼn t-xiʼya visitaril te xjal toj or mas bʼaʼn toj twitz. Xjelinkuya jlu: «¿Alkye qʼij at mas ambʼil tiʼj xjal tuʼn nyoline tukʼil? ¿Jatumel taj tuʼn tok qkeʼyin qibʼe?». Tbʼanel qa ma meltzʼaja yolil tukʼil xjal maske at maj kwest tuʼn tten ambʼil tiʼja.
4. Qaninxa jtoj jaku che yoline juntl maj. Miʼn tzikʼ tnaʼl tuʼna tuʼn t-xi tqanina te xjal alkye qʼij ex alkye or jaku meltzʼaja visitaril te. Ex tzʼok tilil tuʼna tuʼn tpona toj qʼij kyaj bʼant tiʼj kyuʼne.
5. Miʼn sikta. Miʼn kubʼ t-ximana qa nya taj xjal tuʼn tyolin tukʼila noq tuʼnju mintiʼ in kanet tuʼna tja moqa mintiʼxix ambʼil tiʼj (1 Cor. 13:4, 7). Kukx tzʼok tilil tuʼna tuʼn tjyona tiʼj xjal, pero tzʼajbʼenx ambʼil tuʼna toj tumel (1 Cor. 9:26).
