BʼINCHANXA QE REVISITA
XNAQʼTZBʼIL 8
Tenx tpasensa
Nabʼil toj tyol Dios: «Aju xjal at tkʼujlalil at tpasens» (1 Cor. 13:4).
Aju bʼant tuʼn Jesús
1. Qʼonka twitza tiʼj VIDEO moqa uʼjinktza Juan 7:3-5 ex 1 Corintios 15:3, 4, 7. Yajxitl, xnaqʼtzankuya qe xjel lu:
¿Tiʼ xnaqʼtzbʼil jaku tzʼel qiʼn tiʼj Jesús?
2. Ateʼ junjun xjal in xi tiʼn mas ambʼil tuʼn tok kybʼiʼn tbʼanel tqanil kywitz junjuntl, tuʼntzunju, nim toklen tuʼn tten qpasens.
Kanoʼmila tiʼj Jesús
3. Jyonxa junjuntl tumel. Qa nya taj xjal tuʼn t-xnaqʼtzan tiʼj Biblia, miʼn tzʼok t-obligarina. Qa jaku bʼant, bʼaʼn tuʼn t-xi tyekʼina jun video moqa jun xnaqʼtzbʼil te tuʼn tel tnikʼ tiʼj tzeʼn in xi qʼet jun xnaqʼtzbʼil tiʼj Tyol Dios ex tzeʼn jaku tzʼonin tiʼj qa ma xnaqʼtzan.
4. Miʼn tzʼok tmojbʼaʼna jun xjal tukʼil juntl. Teyele te junjun xjal junxitl t-ximbʼetz ex tmod. Qa nya taj jun xjal moqa jun tfamiliara tuʼn t-xnaqʼtzan tiʼj Biblia, moqa kwest tuʼn t-xi tnimen jun xnaqʼtzbʼil, bʼaʼn tuʼn t-ximana tiʼj tiquʼn in bʼaj jlu. ¿Kwestpe in nela toj twitz xjal tuʼn tkyaj ttzaqpiʼn jun xnaqʼtzbʼil o tzaj yekʼin te toj iglesia? ¿Moqa in xi kyqʼamaʼn tfamiliar ex qe t-vesin te tuʼn miʼn t-xnaqʼtzan tiʼj Tyol Dios? Qʼonxa ambʼil te tuʼn t-ximen tiʼjju o che yoline tiʼj ex tuʼn tok tqʼoʼn toklen xnaqʼtzbʼil in jatz toj Biblia.
5. Naʼna Dios tiʼj xjal. Qaninxa onbʼil te Jehová tuʼn miʼn ttzaj bʼaj tkʼuʼja ex tuʼn tten tnabʼila aj tyolina tukʼil xjal. Ax ikx, qaninxa onbʼil te Jehová tuʼn tel tnikʼa tiʼj toj alkye ambʼil ya miʼn visitarina te xjal (1 Cor. 9:26).
