¿Tiʼ teya t-xim tiʼj ambʼil tzul?
¿Jaku txi tqʼamaʼn qa...
-
... ktel twitz Txʼotxʼ ik tzeʼn taʼ jaʼlo?
-
... kxeʼl toj il?
-
... kjel toj tbʼanel?
¿TIʼ IN TZAJ TQʼAMAʼN TYOL DIOS?
«Kʼelel t-suʼn Dios taʼl kywitz kykyaqil; ex mintiʼtl kamik, ex mintiʼtl bʼis, ex mintiʼtl oqʼel, ex mintiʼtl kʼixkʼoj; porque aqeju at tnejel ma che naj.» (Apocalipsis 21:3, 4, Aju Xjan Tuʼjil Tyol Dios.)
¿TZEʼN JAKU TZʼONIN QIʼJ?
Ok ktel tbʼanel qaqʼun ex qo tzalajel tiʼj (Isaías 65:21-23).
Mlay tzajtl yajbʼil qiʼj ex mlay tzajtl qyabʼ (Isaías 25:8; 33:24).
Ok qo anqʼil toj tzalajbʼil te jun majx (juneleʼx) kyukʼe toj qja ex qamiw (Salmo 37:11, 29).
¿JAKUPE TZʼOK QʼUQEʼXIX QKʼUʼJ TIʼJJU IN TZAJ TQʼAMAʼN TYOL DIOS?
Jaku, qo yolil tiʼj kabʼe tiquʼn:
-
At tipumal Dios tuʼn tjapun twiʼ aju o tzaj ttziyen. Toj Xjan Uʼj (Biblia), Oʼkx te in xi qʼamet jlu: «Aya Qman Dios at tipumala tuʼn tbʼant tkyaqil tuʼna», tuʼnju mitiʼx bʼajsbʼil tipun qMan Dios (Apocalipsis 15:3). Tuʼntzunju, aj ttzaj tqʼamaʼn qa kbʼajel tchʼixpuʼn twitz Txʼotxʼ tuʼn tok te jun tbʼanel najbʼil, jaku tzʼok qʼuqeʼ qkʼuʼj tiʼj qa at tipumal (tbʼalor) tuʼn tbʼant jlu tuʼn. Ik tzeʼn in tzaj tqʼamaʼn Xjan Uʼj: «Te Dios tkyaqil jaku bʼant tuʼn» (Mateo 19:26).
-
Tajxix Dios tuʼn tjapun twiʼju o tzaj ttziyen. Jun techel, aj tyolin Xjan Uʼj kyiʼj qeju xjal o che kyim in tzaj tqʼamaʼn qa tajxix (tganxix) qMan Jehová tuʼn t-xi tqʼoʼn juntl maj kychwinqlal (Job 14:14, 15, Traducción del Nuevo Mundo).
Ax ikx in tzaj tqʼamaʼn qa e kubʼ tqʼanen Jesús, aju tkʼwaʼl (tkyʼajol) Dios, qe yabʼ. ¿Tiquʼn bʼant jlu tuʼn? Tuʼnju tajtaq tuʼn kykubʼ tqʼanen qe yabʼ (Marcos 1:40, 41). Tukʼeju bʼant tuʼn, kubʼ tyekʼun aju tajbʼil tTat tuʼn tonin kyiʼj qeju kyaj onbʼil (Juan 5:19).
A jlu in tzaj tqʼuqbʼaʼn qkʼuʼj qa taj Jehová ex Jesús tuʼn qten toj tbʼanel toj ambʼil tzul (Salmo 72:12-14; 145:16; 2 Pedro 3:9).
XIMANA TIʼJ JLU:
¿Alkye tten che tel xjal toj tbʼanel tuʼn Dios?
In tzaj ttzaqʼweʼn Tyol Dios jlu toj MATEO 6:9, 10 ex DANIEL 2:44.
Bʼalo ax ikx tgana jlu
AJU XQʼUQIL
Aju axix tok tiʼj ambʼil tzul
Tzʼok tilil tuʼna tuʼn tchʼiy qʼuqbʼil tkʼuʼja tiʼjju o tzaj ttziyen Dios tiʼj Txʼotxʼ ex kyiʼj xjal che anqʼil twitz.
JUNJUNTL XNAQʼTZBʼIL
¿Atpe jun tbʼanel ambʼil tzul?
¿Tiquʼn junxitl qe yol in tzaj ttziyen Tyol Dios kywitz qe yol in tzaj kytziyen xjal?
QE XNAQʼTZBʼIL NIM KYOKLEN TOJ TYOL DIOS
¿Tiʼ aju Tkawbʼil Dios?
Tej tten Jesús twitz Txʼotxʼ, mas yolin tiʼj Tkawbʼil Dios toj tpakbʼabʼil. Toj nimku ambʼil, o txi kyqanin xjal toj kynaʼj Dios tuʼn tul Tkawbʼil Dios.
AJU XQʼUQIL
¿Tiʼ kbʼantel tuʼn Tkawbʼil Dios?
Ojtzqiʼntoq tuʼn Jesús qa oʼkx Tkawbʼil Dios kxel bʼinchante tiʼj tkyaqil nya bʼaʼn at twitz Txʼotxʼ. ¿Tiʼ o bʼant tuʼn Kawbʼil lu tuʼntzun tok qeʼ qkʼuʼj tiʼj?
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
