¿Alkye tajbʼil Dios?
¡Taj (tgan) Dios tuʼn qanqʼin toj tbʼanel ex toj tzalajbʼil te jun majx toj jun tbʼanel najbʼil tzalu twitz Txʼotxʼ!
Naqtzun tuʼnj, jakule kubʼ t-ximana jlu: ¿alkye tten jaku bʼant jlu? In tzaj tqʼamaʼn Tyol Dios qa kbʼantel jlu tuʼn tKawbʼil Dios, ex taj Dios tuʼn tel qnikʼ tiʼj Kawbʼil lu ex tiʼj t-xim kye xjal (Salmo 37:11, 29, Isaías 9:7).
Taj Dios tuʼn qten toj tbʼanel.
Ik tzeʼn jun tbʼanel tatbʼaj taj tuʼn kyten tkʼwaʼl toj tbʼanel, ax ikx te qTat toj kyaʼj taj tuʼn qtzalaj te jun majx (juneleʼx) (Isaías 48:17, 18). O tzaj tqʼamaʼn qa aju «xjal in tbʼinchaʼn tajbʼil Dios kyjel ten te jumajx» (1 Juan 2:17).
Taj Dios tuʼn qbʼet toj tbʼe.
In tzaj tqʼamaʼn Tyol Dios qa aju Bʼinchal qe taj tuʼn «ttzaj t-xnaqʼtzaʼn qe aju tajbʼil tuʼn tbʼant quʼn [...] tuʼntzun qbʼet tuj bʼe ma tzaj tmaʼn qe» (Isaías 2:2, 3). Ma bʼaj tnukʼuʼn «jun tnam [...] aju iqʼin tbʼi» tuʼn (Hechos 15:14, NM).
Taj Dios tuʼn tok qmojbʼan qibʼ kyukʼe tmajen.
Nya paʼn kyten xjal tuʼn tbʼanel okslabʼil (nimbʼil) tuʼnju in nokxix kykʼujlan kyibʼ xjal ateʼ toj (Juan 13:35). ¿Alkyeqe in xi kyqʼoʼn xnaqʼtzbʼil kye xinaq, moqa ichan, ex kye xuʼj twitz tkyaqil Txʼotxʼ tuʼntzen kyajbʼen te Dios toj mujbʼabʼil? Qaje tuʼn tajbʼen uʼj lu tuʼna tuʼn tel tnikʼa kyiʼj.
Bʼalo ax ikx tgana jlu
TQANIL KYIʼJ TESTIGOS DE JEHOVÁ
¿Tzeʼn in xi qʼet jun xnaqʼtzbʼil tiʼj Tyol Dios?
Twitz tkyaqil txʼotxʼ, ojtzqiʼn kywitz testigos de Jehová qa in xi kyqʼoʼn xnaqʼtzbʼil kye xjal noq kukx. Qʼoʼnk twitza tzeʼn tten in bʼant aqʼuntl lu.
TQANIL KYIʼJ TESTIGOS DE JEHOVÁ
¿Tiquʼn bʼaʼn tuʼn t-xnaqʼtzana tiʼj Tyol Dios?—Video matij tqan
O tzʼonin Tyol Dios kyiʼj nimxix xjal tuʼn kykanet tzaqʼwebʼil nimxix kyoklen kyuʼn. In qo txokine tiʼja tuʼn t-xnaqʼtzana tiʼj Tyol Dios.
