Toj jun Ja te Chmabʼil in netzxix xnaqʼtzaʼn aju tKawbʼil Dios aju yolin Jesús tiʼj tej tpakbʼan (Lucas 8:1).

Ateʼ Ja te Chmabʼil kyoj tnam. Atz kyoj Ja te Chmabʼil lu in bʼaj ximet alkye tten tuʼn t-xi pakbʼet tbʼanel tqanil tiʼj tKawbʼil Dios (Mateo 24:14). At junjun Ja te chmabʼil nimaqqe ex at junjuntl kokʼeqe ex nya junx bʼinchbʼen kye, naqtzun tuʼnj, kykyaqil mitiʼ (tiloʼ) in nok qʼet nim (bʼampo) pwaq kyiʼj, kyoj nimku Ja te Chmabʼil in nok kychmon kyibʼ mas te jun kʼloj okslal (nimel). Kyoj qeju abʼqʼi ma che ikʼ, o che bʼant nim Ja te Chmabʼil quʼne (in che bʼajlo bʼinchet jweʼ toj junjun qʼij) tuʼntzen tok kychmon kyibʼ kʼloj okslal. ¿Alkye tten in che bʼant Ja te Chmabʼil? (Mateo 19:26.)

In che jaw bʼinchen Ja te Chmabʼil tukʼe pwaq (tumi) paʼn maj. Aju onbʼil lu in xi samet toj ninja qʼil twitz aqʼuntl tuʼn tajbʼen kye qeju kyaj (kygan) tuʼn tjaw kybʼinchaʼn jun Ja te Chmabʼil moqa kyaj tuʼn tkubʼ kybʼinchaʼn chʼintl.

In che jaw bʼinchen Ja te Chmabʼil kyuʼn qeju naq kukx in che aqʼunan aʼyeju attaq junxitl kyaqʼun. Aʼyeju Kʼloj bʼinchal Ja te Chmabʼil ex aʼyeju in che onin in cheʼx jatumel in nok kychmon kyibʼ qermane tuʼn kyjaw bʼinchet Ja te Chmabʼil toj jun tnam, atpe maj in cheʼx najchaq, mo laqʼche, ex in che onin kyiʼj erman toj tnam jatumel ẍe pon tuʼn tjaw bʼinchet Ja te Chmabʼil. Toj junjuntl tnam ateʼ junjuntl testigo de Jehová in xi qʼoʼn kyoklen juntl kʼloj xjal tuʼn tok kyqʼoʼn kywitz aj kyjaw bʼinchaʼn Ja te Chmabʼil ex aj kykubʼ bʼinchen chʼintl atz jatumel otaq tzaj qʼamaʼn kye. At nim okslal bʼaʼn che aqʼunan, noqtzun tuʼnj, in xi kyqʼamaʼn qa kyaj tuʼn kyaqʼunan naq kukx aj tjaw bʼinchet jun Ja te Chmabʼil, chʼixme kykyaqil qeju naq kukx in che aqʼunan aʼyeqex okslal jatumel in jaw bʼinchet Ja te Chmabʼil. Tuʼnju t-xew Jehová ex tuʼnju in nok tilel kyuʼn tmajen in bʼant tkyaqil jlu (Salmo 127:1; Colosenses 3:23).

• ¿Alkye tten in che bʼant Ja te Chmabʼil twitz tkyaqil Txʼotxʼ?