XNAQʼTZBʼIL 4
Tzaʼn jaku tzʼok qojtzqiʼn qMan Dios
Jaku tzʼok qojtzqiʼn Jehová qa nqo uʼjin Xjan Uʼj. Tuj ambʼil ojtxi, jaw t-skʼoʼn qMan Dios jun kʼloj xinaq tuʼn tkubʼ ktzibʼen t-xim. Eyeʼ uʼj e bʼaj tzʼibʼit atzun tbʼi Xjan Uʼj. Jaku tzʼok qojtzqiʼn qMan Dios qa ma qo ẍchʼin tiʼj jaʼlin, quʼn atz tuj tkuʼxe Tyol Jehová. Jaku tzʼok qʼuqe qkʼuʼj tiʼj ntzaj tqʼamaʼn quʼn mitiʼ te Jehová nsbʼun. «Ex mlay bʼant tuʼn tnikʼan [mo tsbʼun] Dios yol tiʼj jlu.» (Hebreos 6:18.) Tuʼntzunjo, atz toj Tuʼjil Tyol Dios tkuʼxa axix tok moqa axiʼx (Juan 17:17).
A Xjan Uʼj atzen jun oyajjo nim toklen o tzaj tqʼoʼn Dios qe. Ik tten tzaʼnj jun t-xaq uʼj nkubʼ ttzibʼin jun tbʼanel manbʼaj kye tkʼwaʼl. Ntzaj tqʼmaʼn qa kbʼel tbʼinchan qMan Dios Txʼotxʼ te jun tbʼanelxix najbʼil te tzalajbʼil. Ax ntzaj tqʼamaʼn aju bʼant tuʼn qMan Dios ojtxi, aju nbʼent tuʼn jaʼlin ex aju kbʼantel tuʼn tuj ambʼil tzul kyeqeʼ tkʼwal tzʼaqliqeʼ tukʼil. Ax nqo tzaj tonin tuʼn tkanet ttxolil mya bʼaʼn ntzaj qiʼj ex seʼn tuʼn qten tuj tzalajbʼil (2 Timoteo 3:16, 17).
Ayeʼ testigos de Jehová tamiw qMan Diosqeʼ; ok kxel oniye kyuʼn tuʼn tel tnikʼe tiʼj ntzaj t-xnaqʼtzaʼn Xjan Uʼj. Bʼaʼn tuʼn t-xi tqʼamaʼne kye qa taja tuʼn t-xnaqʼtzane tiʼj Tuʼjil Tyol Dios. Mi txi tchjoʼne aj tkubʼ xnaqʼtzaʼne kyuʼn (Mateo 10:8). Ax ikx jaku txiya tuj qeʼ chmobʼil. Ayeʼ jlu nchi kubʼ ikʼset kyuj tembʼil te kʼulbʼil, a kbʼi Ja te Chmabʼil kye Testigos de Jehová. Qa matxiya tuj chmabʼil lewey kchʼiyil tojtzqiʼbʼila tiʼj qMan Dios.
Jaku tzʼok qojtzqiʼn qMan Dios qa ma qo okten ximel tiʼj tiʼchaq o bʼaj tbʼinchaʼn. Jun yekʼbʼil tiʼj jlu, a Xjan Uʼj nqʼmante: «Kubʼ tbʼinchaʼn Dios kyaʼj ex txʼotxʼ» (Génesis 1:1). Tej tkubʼ tbʼinchen Jehová «kyaʼj», ax ikx kubʼ tbʼinchan qʼij. Aju ntzaj tqʼoʼn nim spikʼin ex kyaq qe ex melayx kubʼ yupj. Tiʼ ntzaj t-xnaqʼtzaʼn jlu tiʼj qMan Dios? Qa at nimxix tipumal ex nimxix tnabʼil Jehová. Quʼn tuʼn tbʼaj bʼinchet tkyaqil jlu iltiʼj tun tten ipumalj ex nabʼil.
Aju tbʼinchbʼen Jehová ntzaj tyekʼen qa kʼujlaʼnqo tuʼn. Ximiye tiʼj tkyaqil twitz tzeʼ in nel twitz Txʼotxʼ. Junxwitlo tzaj tqʼoʼn Jehová qe mo mitiʼwtlo. Nya ikjo, quʼn o tzaj tqʼoʼn nim wiq lobʼaj junxichaq tten kwitz ex kchiʼyel. Atzun jlu ntzaj tyekʼin qa kʼujlaʼnqo tuʼn Jehová, ax ikx nim t-xtalbʼil ex tbʼanel tanme qukʼil (Salmo 104:24).
Bʼalo ax ikx tgana jlu
QE XNAQʼTZBʼIL NIM KYOKLEN TOJ TYOL DIOS
¿Alqe xim tkuʼx toj Tuʼjil Tyol Dios?
Qa xjal e kubʼ tzʼibʼinte, ¿axpe tok jaku t-xi qqʼamaʼn qa Tyol Dios? ¿Alqe ximbʼetz tkuʼx toj Tyol Dios?
MEETINGS
¿Tiʼ in bʼaj toj jun Ja te Chmabʼil?
Qʼoʼnk twitza kyiʼj qe qtembʼile jatumel in nok qchmoʼn qibʼe ex qʼonk twitza tiʼjju in bʼant quʼne kyoj.
TQANIL KYIʼJ TESTIGOS DE JEHOVÁ
¿Tiquʼn bʼaʼn tuʼn t-xnaqʼtzana tiʼj Tyol Dios?—Video matij tqan
O tzʼonin Tyol Dios kyiʼj nimxix xjal tuʼn kykanet tzaqʼwebʼil nimxix kyoklen kyuʼn. In qo txokine tiʼja tuʼn t-xnaqʼtzana tiʼj Tyol Dios.
TZʼOKA TE TAMIW JEHOVÁ
Kubʼ tbʼinchaʼn Jehová tkyaqil
¿Ojtzqiʼn tuʼna tiʼ bʼant tuʼn Jehová tnejel? Ojtzqinka tukʼil Caleb toj alkye ttxolil kubʼ tbʼinchaʼn Jehová qe tiʼchaq.
