Tzʼok tilil quʼn tuʼn tbʼant-xix quʼjin ex tuʼn qqʼon xnaqʼtzbʼil

Aju uʼj lu kʼonil tiʼja tuʼn tbʼant-xix tuʼjina kywitz txqantl ex tuʼn tbʼant-xix tqʼona chikʼbʼabʼil ex xnaqʼtzbʼil.

Aju uʼj saj ttzʼibʼin Kʼloj Xjal Qʼil Twitz Aqʼuntl

In xi qqʼamaʼn tqanil mas nim toklen twitz tkyaqil Txʼotxʼ.

XNAQʼTZBʼIL 1

Qʼamanxa tbʼanel yol aj t-xi tzyet tuʼn tyolina

Qa ma txi tqʼamaʼna tbʼanel yol aj t-xi tzyet tuʼn tyolina, kbʼantel oxe tiʼ tuʼna.

XNAQʼTZBʼIL 2

Yolina ik tzeʼnx teya yolin

Qa ma yolina ik tzeʼnx teya yolin, kʼokel bʼina kyuʼn qeju in che bʼin tiʼja ex kbʼel kynaʼn bʼaʼn.

XNAQʼTZBʼIL 3

Che ajbʼenx xjel tuʼna

Qaninxa qe xjel tuʼn ttzaj kygan qeju in che bʼin tiʼja tuʼn tok kybʼiʼn xnaqʼtzbʼil ex tuʼn t-xi tqʼamaʼna qe tqanil nim kyoklen.

XNAQʼTZBʼIL 4

Qʼamanxa tbʼanel yol naʼmxtoq tjaw tuʼjina taqikʼ Tyol Dios

Jyoʼnktza qe tbʼanel yol naʼmxtoq tjaw tuʼjina jun taqikʼ Tyol Dios tuʼntzun tok kybʼiʼn qeju in che bʼin tiʼja.

XNAQʼTZBʼIL 5

Uʼjinktza ik tzeʼnx tzʼibʼin

Nim toklen tuʼn tbʼant-xix quʼjin tuʼn t-xi qyekʼin qe t-ximbʼetz Jehová kye xjal.

XNAQʼTZBʼIL 6

Chikʼbʼanxa qe taqikʼ Tyol Dios klarxix wen

Yekʼinxa kye qeju in che tiʼja tiʼ toklen taqikʼ Tyol Dios tukʼil xnaqʼtzbʼil taja tuʼn t-xi tyekʼina kye.

XNAQʼTZBʼIL 7

Qʼamanxa axix tok tqanil aju jaku tzʼok qeʼ qkʼuʼj tiʼj

Tuʼn tonina kyiʼj qeju in che bʼin tiʼja tuʼn tel kynikʼ tiʼj xnaqʼtzbʼil, nim toklen tuʼn tajbʼen axix tok tqanil tuʼna.

XNAQʼTZBʼIL 8

Qʼonxa xnaqʼtzbʼil kyukʼil techel

Tuʼn tok aju xnaqʼtzbʼil te tbʼanel, bʼaʼn tuʼn kyajbʼen techel nya kwest tuʼna, aju jaku tzʼok kybʼiʼn qeju in che bʼin tiʼja ex qʼamanxa qe xnaqʼtzbʼil nim kyoklen.

XNAQʼTZBʼIL 9

Che ajbʼenx tilbʼilal tuʼna ex qe video

Che ajbʼenx tilbʼilal tuʼna ex qe video tuʼntzun kytzaj naʼn qe xnaqʼtzbʼil nim kyoklen.

XNAQʼTZBʼIL 10

Tzʼajbʼenxix tqʼajqʼajel twiʼya toj tumel

Nim toklen tuʼn jaw qiʼn moqa tuʼn tkubʼ qiʼn tqʼajqʼajel qwiʼ tuʼntzun qonin kyiʼj qeju in che bʼin qiʼj ex tuʼn tpon toj kyanmi

XNAQʼTZBʼIL 11

Yolina tukʼil tzalajbʼil

Qa ma tzalaja tiʼj xnaqʼtzbʼil in nex tqʼoʼna, kʼonil jlu kyiʼj qeju in che bʼin tiʼja tuʼn tok kyqʼoʼnxix kywiʼ tiʼj xnaqʼtzbʼil.

XNAQʼTZBʼIL 12

Yekʼinxa tkʼujlabʼila kyiʼj txqantl ex ximana kyiʼj

Qa ax tok in yolina, kʼelel kynikʼ qeju in che bʼin tiʼja qa in ximana kyiʼj.

XNAQʼTZBʼIL 13

Yekʼinxa tzeʼn jaku tzʼonin jun xnaqʼtzbʼil

Tzʼonina kyiʼj qeju in che bʼin tiʼja tuʼn tel kynikʼ tiʼj tzeʼn jaku tzʼonin xnaqʼtzbʼil kyiʼj ex tzeʼn jaku japun kyuʼn.

XNAQʼTZBʼIL 14

Qʼamanxa qe xnaqʼtzbʼil nim kyoklen

Tzʼonina kyiʼj qeju in che bʼin tiʼja tuʼn kyok lepeʼ tiʼj xnaqʼtzbʼil ex tiʼ tmojbʼabʼil tibʼ qe yol nim kyoklen at tukʼil xnaqʼtzbʼil ex tiquʼn in nex qʼet.

XNAQʼTZBʼIL 15

Qeʼk tkʼuʼja tiʼjju in xi tqʼamaʼna

Qeʼk tkʼuʼja tiʼjju in xi tqʼamaʼna. Yekʼinxa qa qʼuqlixix tkʼuʼja tiʼjju tqanil in xi tqʼamaʼna ex qa nim toklen.

XNAQʼTZBʼIL 16

Yolina kyiʼj tbʼanel tiʼchaq

Miʼn tzʼok tqʼoʼna twiʼya tiʼjju nya bʼaʼn, sino tiʼjju tbʼanel. Yolina tiʼjju tbʼanel qʼuqbʼil qkʼuʼj in tzaj tqʼoʼn Tyol Dios.

XNAQʼTZBʼIL 17

Yolina klarxix wen

Tzʼonina kyiʼj qeju in che bʼin tiʼja tuʼn telxix kynikʼ tiʼj xnaqʼtzbʼil. Chikʼbʼanxa klarxix wen qe tqanil nim kyoklen.

XNAQʼTZBʼIL 18

Qʼamanxa xnaqʼtzbʼil at tajbʼen

Tzʼonina kyiʼj qeju in che bʼin tiʼja tuʼn kyximen ex qʼonxa jun xnaqʼtzbʼil at tajbʼen kye.

XNAQʼTZBʼIL 19

Tuʼn tpon tyola toj kyanmi

Bʼaʼn tuʼn tonina kyiʼj qeju in che bʼin tiʼja tuʼn tok kykʼujlaʼn Jehová ex aju Tyol.

XNAQʼTZBʼIL 20

Qʼamanxa tbʼanel yol aj tbʼaj yolina

Qʼamanxa qe yol te bʼajsbʼil tuʼn tonina kyiʼj qeju in che bʼin tiʼja tuʼn t-xi kybʼiʼn aju ma tzʼel kynikʼ tiʼj ex tuʼn tjapun kyuʼn.

Aju o bʼant wuʼne

Tzʼibʼinkuya jun tajlal ambʼil akux in nok tilil tuʼna tuʼn tbʼant-xix tuʼjina ex tuʼn tbʼant tqʼona xnaqʼtzbʼil.

Bʼalo ax ikx tgana jlu

VIDEO SERIES