Chʼixpuʼnkuya tqʼajqʼajel twiʼya. Jaku jaw tiʼna tqʼajqʼajel twiʼya tuʼn t-xi tqʼamaʼna qe xnaqʼtzbʼil nim kyoklen ex tuʼn tonina kyiʼj qeju in che bʼin tiʼja. Axju jaku bʼant tuʼna aj tjaw tuʼjina jun taqikʼ Tyol Dios jatumel tkuʼx jun kastiw. Tuʼn tkubʼ tyekʼina bʼis moqa xobʼajil, il tiʼj tuʼn tkubʼ tiʼna tqʼajqʼajel twiʼya. Ax jlu jaku bʼant tuʼna tuʼn kyayon qeju in che bʼiʼn tiʼja qa kxel tqʼamaʼna jun tiʼ nim toklen.

Chʼixpuʼnkuya tzeʼn kxel tqʼamaʼna. Jaku jaw tiʼna tqʼajqʼajel twiʼya tuʼn tkubʼ tyekʼina tzalajbʼil, ax ikx aj tyolina kyiʼj nimaq tiʼchaq moqa kyiʼj tiʼchaq najchaq ateʼ ik tzeʼn aj t-xi tbʼetin jun xjal nim bʼe. Jaku kutz tiʼna tqʼajqʼajel twiʼya tuʼn tkubʼ tyekʼina bʼis moqa in tzaj bʼaj tkʼuʼja tiʼj jun tiʼ.

Qʼamanxa jun rat naj moqa chebʼe. Yolina jun rat naj qa taja tuʼn tkubʼ tyekʼina tzalajbʼil. Ex qa kxel tqʼamaʼna jun xnaqʼtzbʼil nim toklen, chebʼe qʼamanxa.