Bʼinchankuxix ttena. Xnaqʼtzankuya tqanil tzmaxi aj tel tnikʼa kyiʼj xnaqʼtzbʼil nim kyoklen ex alkye tten in che onin taqikʼ Tyol Dios kyiʼj. Qʼonka tilil tuʼn t-xi tqʼamaʼna qe xnaqʼtzbʼil toj jun tten nya kwest ex toj chʼin yol. Ximana tiʼj tzeʼn kʼonil xnaqʼtzbʼil kyiʼj qeju in che bʼin tiʼja. Qaninxa te Jehová tuʼn ttzaj tqʼoʼn xewbʼaj xjan teya.

Yekʼinxa qa qʼuqli tkʼuʼja tiʼjju in xi tqʼamaʼna. Qʼamanxa toj texa tyol twitzju tuʼn tjaw tuʼjina aju tkuʼx toj uʼj. Che ajbʼenx yol tuʼna aju in tzaj kyyekʼin qa qʼuqli tkʼuʼja tiʼjju in xi tqʼamaʼna.

Yolina tuʼn tkyaqil tkʼuʼja. Yolina tukʼil nim tqʼajqʼajel twiʼya. Jaku txi tkeʼyina toj kywitz txqantl qa in bʼant jlu kyuʼn xjal jatumel najliya.