Xnaqʼtzankuya xnaqʼtzbʼil. Il tiʼj tuʼn tel tnikʼa tiʼj alqiʼj in yolin xnaqʼtzbʼil tuʼntzun t-xi tchikʼbʼaʼna toj jun tten nya kwest ex kyukʼix texa tyol.

Che ajbʼenx yol chʼin kyqan tuʼna ex qeju nya kwest. Jaku che ajbʼen txol yol nim kyqan tuʼna, noqtzun tuʼnj, mas bʼaʼn qa ma che ajbʼen yol ex txol yol chʼin kyqan aj t-xi tqʼamaʼna jun xnaqʼtzbʼil nim toklen.

Chikʼbʼanxa qe yol mintiʼxix ojtzqiʼn kyuʼn. Bʼaʼn tuʼn miʼn kyajbʼenxix tuʼna. Aj tyolina kyiʼj xjal in yolin Tyol Dios kyiʼj, kyiʼj yol kwest, kyiʼj malbʼil tiʼchaq ex kyiʼj kykostumbr xjal toj ambʼil ojtxe, miʼn tzikʼ tnaʼl tuʼna tuʼn t-xi tchikʼbʼaʼna qa mintiʼ ojtzqiʼn kyuʼn qeju in che bʼin tiʼja.