XNAQʼTZBʼIL 18
Qʼamanxa xnaqʼtzbʼil at tajbʼen
1 Corintios 9:19-23
TOJ CHʼIN YOL: Tzʼok tilil tuʼna tuʼn kyximen qeju in che bʼin tiʼja tuʼn tel kynikʼ tiʼj qa otoq tzʼok kybʼiʼn jun xnaqʼtzbʼil jaku tzʼajbʼen kye.
TZEʼN JAKU BʼANT
-
Ximana tiʼjju ya ojtzqiʼn kyuʼn qeju in che bʼin tiʼja. Tbʼanel tuʼn miʼn t-xi tqʼamaʼna juntl maj aju tqanil ya o tzʼok kybʼiʼn, sino tzʼonina kyiʼj tuʼn tel kynikʼ tiʼj xnaqʼtzbʼil toj juntl akʼaj tten.
-
Jyona tqanil ex ximana tiʼj. Qa jaku bʼant, qʼamanxa qe tqanil mintiʼxix ojtzqiʼn kyuʼn qeju in che bʼin tiʼja ex qa junjun tiʼchaq tzma in che ikʼ tuʼn t-xi tchikʼbʼaʼna jun xnaqʼtzbʼil nim toklen. Ximana tiʼj xnaqʼtzbʼil nim toklen ex tiʼ toklen tukʼil akʼaj tqanil taja tuʼn tyolina tiʼj.
-
Yekʼinxa tzeʼn jaku kubʼ kyqʼoʼn toj xnaqʼtzbʼil aju kʼokel kybʼiʼn. Chikʼbʼanxa tzeʼn jaku che onin nabʼil toj Tyol Dios junjun qʼij kyiʼj qeju in che bʼin tiʼja. Qa ojtzqiʼn kyuʼn aʼyeju tiʼchaq in che ok weʼ xjal twitz, aju kymod in kubʼ kyyekʼin ex qeju tiʼchaq in bʼant kyuʼn, bʼaʼn tuʼn tyolina kyiʼj jlu.
