Bʼaʼn tuʼn tonina kyiʼj qeju in che bʼin tiʼja tuʼn kyximen kyiʼjx. Qaninxa junjun xjel kye aju jaku tzʼonin kyiʼj tuʼn kyximen tiʼjju in kubʼ kynaʼn.

Tzʼonina kyiʼj tuʼn tkubʼ kybʼinchaʼn qe tiʼchaq tukʼil kʼujlabʼil. Qʼamanxa kye qeju in che bʼin tiʼja tuʼn kyximen tiʼj tiquʼn in kubʼ kybʼinchaʼn qe tbʼanel tiʼchaq. Bʼaʼn tuʼn tonina kyiʼj tuʼn tkubʼ kybʼinchaʼn qe tiʼchaq tuʼnju at kykʼujlabʼil tiʼj Jehová, kyiʼj xjal ex kyiʼj xnaqʼtzbʼil toj Xjan Uʼj. Tzʼonina kyiʼj tuʼn tel kynikʼ tiʼj nabʼil in tzaj tqʼoʼn Tyol Dios ex nya oʼkx tuʼn t-xi tqʼamaʼna. Aj tkubʼ bʼaj toklena, mintiʼ tuʼn ttzaj kychʼixwi tuʼn jun tiʼ sino oʼkx tuʼn tten kyajbʼil tuʼn tok tilil kyuʼn.

Tzʼonina kyiʼj tuʼn kyximen tiʼj Jehová. Yekʼinxa tzeʼn in che onin xnaqʼtzbʼil, nabʼil ex qe kawbʼil tkuʼx toj Xjan Uʼj tuʼn tok qojtzqiʼn Dios ex tuʼn tel qnikʼ tiʼj qa kʼujlaʼn qoʼ tuʼn. Tzʼonina kyiʼj tuʼn kyximen tiʼjju in kubʼ tnaʼn Jehová ex tuʼn tten kyajbʼil tuʼn ttzalaj kyuʼn.