Naʼna Dios ex bʼinchanku ttena. Qaninxa onbʼil te Jehová tuʼn tonin tiʼja tuʼn tokxix tqʼoʼna twiʼya tiʼjju tqanil tuʼntzun miʼn ttzaj t-xobʼila. Tzʼelxix tnikʼa kyiʼj xnaqʼtzbʼil nim kyoklen aju taja tuʼn t-xi tqʼamaʼna. Miʼn jaw tuʼjina moqa miʼn txi tqʼamaʼna aju tzʼibʼinkux toj uʼj, sino qʼamanxa toj texa tyol.

Yolina tuʼn tkyaqil tkʼuʼja. Ximana kyiʼj xjal ex tzʼelx tnikʼa tiʼj tiquʼn kyaj tuʼn tok kybʼiʼn aju tqanil kyolila tiʼj. Iktzun tten kbʼel tyekʼina tbʼanel tmoda ex kyolila axix tok aj t-xi tyukina qe tqʼabʼa, twitza ex tukʼilju alkye tten kbʼel weʼya.

Keʼyinxa toj kywitz qeju in che bʼin tiʼja. Qa mintiʼ in kubʼ kynaʼn txqantl nya bʼaʼn tuʼn, keʼyinxa toj kywitz. Aj tex tqʼoʼna jun chikʼbʼabʼil, tzʼok tilil tuʼna tuʼn t-xi tkeʼyina toj twitz jun ex yajxitl toj twitz juntl, ex nya oʼkx kxel tkeʼyina kyibʼaj kykyaqil.