XNAQʼTZBʼIL 3
Che ajbʼenx xjel tuʼna
Mateo 16:13-16
TOJ CHʼIN YOL: Qaninxa junjun xjel toj tumel tuʼn tok kyqʼoʼn xjal kywiʼ tiʼja ex tuʼn kukx tok bʼiʼna kyuʼn, tuʼntzun tonina kyiʼj tuʼn tel kynikʼ tiʼj jun xnaqʼtzbʼil ex tuʼn t-xi tqʼamaʼna qe xnaqʼtzbʼil nim kyoklen.
TZEʼN JAKU BʼANT
-
Tzʼonina kyiʼj qeju in che bʼin tiʼja tuʼn kukx tok bʼiʼna kyuʼn. Qaninxa junjun xjel kye tuʼn kyximen tiʼj ex tuʼn tonin kyiʼj tuʼn kyximen tiʼj jun tzaqʼwebʼil.
-
Tzʼonina tiʼj xjal tuʼn tel tnikʼ tiʼj jun xnaqʼtzbʼil. Jaku che ajbʼen junjun xjel tuʼna tuʼn tyolina tiʼj jun xnaqʼtzbʼil, tuʼntzun tonin kyiʼj qeju in che bʼin tiʼja tuʼn tel kynikʼ tiʼj.
-
Qʼamanxa qe xnaqʼtzbʼil nim kyoklen. Naʼmxtoq t-xi tqʼamaʼna jun xnaqʼtzbʼil nim toklen, qaninxa jun xjel te xjal tuʼntzun ttzaj tgan tuʼn tel tnikʼ tiʼj. Qaninxa qe xjel te nabʼitz aj tkubʼ bʼaj junjun xnaqʼtzbʼil nim toklen moqa naʼmxtoq tkubʼ bʼaj toklena.
