XNAQʼTZBʼIL 4
Qʼamanxa tbʼanel yol naʼmxtoq tjaw tuʼjina taqikʼ Tyol Dios
Mateo 22:41-45
TOJ CHʼIN YOL: Qʼamanxa jun tiʼ kye qeju in che bʼin tiʼja naʼmxtoq tjaw tuʼjina jun taqikʼ Tyol Dios.
TZEʼN JAKU BʼANT
-
Ximana tiʼj tiquʼn kjawil tuʼjina taqikʼ Tyol Dios. Naʼmxtoq tjaw tuʼjina, qʼamanxa jun tiʼ kye qeju in che bʼin tiʼja tuʼn tel kynikʼ tiʼj alkye xnaqʼtzbʼil nim toklen taja tuʼn tel kynikʼ tiʼj.
-
Tzʼajbʼenx Tyol Dios tuʼna aj t-xi tchikʼbʼaʼna jun tiʼ. Aj tyolina kyukʼil xjal nimen Dios kyuʼn, yekʼinxa kye qa Tyol Dios aju Xjan Uʼj. Iktzun tten kʼelel kynikʼ tiʼj qa in xi t-xnaqʼtzaʼna t-ximbʼetz Dios kye.
-
Qʼamanxa jun tiʼ tuʼn ttzaj kygan qeju in che bʼin tiʼja tiʼj taqikʼ Tyol Dios. Qaninxa jun xjel aju in tzaj tqʼoʼn taqikʼ Tyol Dios tzaqʼwebʼil tiʼj, qʼamanxa jun nya bʼaʼn in tzaj ex jaku txi tyekʼina tukʼil Tyol Dios tzeʼn jaku kyaj toj ttxolil moqa qʼamanxa jun nabʼil in kanet toj jun txʼolbʼabʼil.
