XNAQʼTZBʼIL 6
Chikʼbʼanxa qe taqikʼ Tyol Dios klarxix wen
Juan 10:33-36
TOJ CHʼIN YOL: Nya oʼkx tuʼn tjaw tuʼjina jun taqikʼ Tyol Dios ex tuʼn t-xi tzyet tuʼn tyolina tiʼj juntl xnaqʼtzbʼil. Sino tzʼok tilil tuʼna tuʼn tel kynikʼ qeju in che bʼin tiʼja tiʼ toklen taqikʼ Tyol Dios tukʼilju xnaqʼtzbʼil taja tuʼn tel kynikʼ tiʼj.
TZEʼN JAKU BʼANT
-
Yekʼinxa qe yol nim kyoklen. Otoqxi jaw tuʼjina jun taqikʼ Tyol Dios, yekʼinxa qe yol at-xix kyoklen tukʼil xnaqʼtzbʼil taja tuʼn t-xi t-xnaqʼtzaʼna. Jaku bʼant jlu tuʼna qa ma txi tqʼamaʼna elaʼ maj qe yol nim kyoklen moqa aj t-xi tqanina jun xjel aju kʼonil kyiʼj qeju in che bʼin tiʼja tuʼn kykanet qe yol nim kyoklen kyuʼn.
-
Qʼamanxa qe yol nim kyoklen. Qa ma txi tqʼamaʼna tiquʼn kjawil tuʼjina jun taqikʼ Tyol Dios, yajxitl chikʼbʼanxa tiʼ kyoklen yol tkuʼx toj taqikʼ Tyol Dios tukʼilju tiquʼn ma jaw tuʼjina.
-
Chikʼbʼanxa toj chʼin yol. Tzʼok tilil tuʼna tuʼn miʼn t-xi tqʼamaʼna qe tqanil mintiʼ kyoklen tukʼil xnaqʼtzbʼil nim toklen. Tzʼelx tnikʼa tiʼj jniʼ tqanil naʼmx tok kyojtzqiʼn qeju in che bʼin tiʼja tuʼntzun telxix kynikʼ tiʼj xnaqʼtzbʼil.
