Jyonktza qe techel nya kwest tuʼn tel qnikʼ kyiʼj. Kanoʼmila tiʼj Jesús. Che ajbʼen tiʼchaq ojtzqiʼn kyuʼn qeju in che bʼin tiʼja tuʼntzun t-xi tchikʼbʼaʼna qe tiʼchaq matij, ex che ajbʼen qe tiʼchaq nya kwest tuʼn t-xi tchikʼbʼaʼna qe tiʼchaq kwest tuʼn tel qnikʼ kyiʼj. Miʼn txi tqʼamaʼna junjun tiʼ nya nim toklen tiʼj techel tuʼntzun tok toj kywiʼ qeju in che bʼin tiʼja. Tzʼelx tnikʼa tiʼj qa at toklen techel kʼajbʼel tuʼna tukʼilju xnaqʼtzbʼil nim toklen taja tuʼn t-xi t-xnaqʼtzaʼna tuʼntzun tokxix toj kywiʼ.

Ximana kyiʼj qeju in che bʼin tiʼja. Skʼonktza qe techel at kyoklen kyukʼil tiʼchaq in bʼant kyuʼn moqa kyukʼil xnaqʼtzbʼil kyaj tuʼn tok kybʼiʼn. Noqtzun tuʼnj, skʼonktza aju mlay tzaj kychʼixwi tuʼn nix tuʼn tkubʼ kynaʼn nya bʼaʼn tuʼn.

Yekʼinxa alkye xnaqʼtzbʼil nim toklen. Che ajbʼen techel tuʼna tuʼn t-xi tchikʼbʼaʼna qe xnaqʼtzbʼil nim kyoklen, ex nya qeju nya nim kyoklen. Tzʼok tilil tuʼna tuʼn ttzaj kynaʼn qeju in che bʼin tiʼja aju xnaqʼtzbʼil nim toklen ex nya oʼkx aju techel.