Il
¿Tiʼ aju il ex tiquʼn in xi qqʼamaʼn qa qʼiʼn quʼn qkyaqilx?
¿Tzeʼn in tzaj tyekʼin Biblia qa jaku kubʼ tiʼj il quʼn?
-
Qe relato jaku che onin qiʼj:
-
2Sa 11:2-5, 14, 15, 26, 27; 12:1-13. Tej tkubʼ tbʼinchaʼn rey David junjun matij il, xi kawin tuʼn Jehová ex e bʼant chʼixpubʼil tuʼn.
-
Ro 7:15-24. Kubʼ tyekʼin Pablo qa ten jun tbʼanel qʼuqbʼil tkʼuʼj ex qa ok tilil tuʼn tuʼn tajbʼen te Jehová. Maske ikju, ok tilil tuʼn tuʼn miʼn tten nya bʼaʼn t-ximbʼetz.
-
¿Tzeʼn jaku kubʼ kybʼinchaʼn xjal il noq tuʼnju mintiʼ ojtzqiʼn jun tqanil kyuʼn moqa tuʼnju in nok kyqʼoʼn kywiʼ kyiʼj xnaqʼtzbʼil nya axix tok?
Hch 3:17; 17:29, 30; 1Ti 1:13; 1Pe 1:14
Ax ikx qʼonka twitza tiʼjju in tzaj tqʼamaʼn Nú 15:27-29.
¿Tiquʼn jun matij il qa kukx in xi qbʼinchaʼn jun tiʼ ex ojtzqiʼn quʼn qa nya bʼaʼn?
Heb 10:26, 27; 1Jn 3:4, 8, 9
Ax ikx qʼonka twitza tiʼjju in tzaj tqʼamaʼn Nú 15:30; Ro 1:28-32; 1Ti 5:20.
¿Tiʼ jaku tzʼajbʼen tuʼn Satanás tuʼn tkubʼ tqʼoʼn tramp kywitz tmajen Dios?
Pr 1:10, 11, 15; Mt 5:28; Snt 1:14, 15
-
Qe relato jaku che onin qiʼj:
-
Gé 3:1-6. Ajbʼen jun kan tuʼn Satanás tuʼn tyolin tukʼil Eva tuʼntzun t-ximen oʼkx tiʼjx ex tuʼn ya miʼn tok qeʼ tkʼuʼj tiʼj Jehová.
-
Pr 7:6-10, 21-23. Tzaj tchikʼbʼaʼn rey Salomón tzeʼn kubʼ tyekʼin jun kuʼxun qa mintiʼ ten tnabʼil ex tzeʼn kubʼ tkʼuʼj tuʼn jun xuʼj in yaẍin.
-
¿Tiʼ jaku tzʼonin qiʼj tuʼn miʼn tkubʼ qiʼj tuʼn Satanás?
Ef 4:27; 6:10-18; Snt 4:7, 8
-
Qe relato jaku che onin qiʼj:
-
Pr 5:1-14. Ajbʼen rey Salomón tuʼn Jehová tuʼn ttzaj tqʼoʼn junjun tbʼanel consej qe ik tzeʼn jaku bʼant tuʼn jun mambʼaj, tuʼntzun tel qnikʼ tiʼj tiquʼn kʼelel qikʼun yaẍbʼil ex tzeʼn jaku bʼant quʼn.
-
Mt 4:1-11. Ajbʼen Tyol Dios tuʼn Jesús tuʼn miʼn tkubʼ tiʼj tuʼn Satanás ex kyaj tqʼoʼn jun tbʼanel techel qwitz.
-
¿Alkye junjun matij il nim toklen tuʼn tok tilil kyuʼn okslal tuʼn miʼn tkubʼ kybʼinchaʼn?
Keʼyinka «Qe nya bʼaʼn bʼinchbʼen».
Tuʼn t-xi qqʼamaʼn qil
¿Tiquʼn mintiʼ tuʼn tkubʼ qewin jun il otoq bʼant quʼn?
¿Alqe il tiʼj tuʼn t-xi qqʼamaʼn qil?
In tzaj tqʼamaʼn Biblia qa «at jun yolil qʼij» twitz Jehová, ¿alqiʼj in yolin aj ttzaj tqʼamaʼn jlu?
¿Tzeʼn jaku kubʼ tyekʼin jun xjal qa o tzʼajtz tiʼj tanmi?
Ax ikx keʼyinka «Tuʼn tajtz tiʼj qanmi».
-
Qe relato jaku che onin qiʼj:
-
Éx 22:1-12. Tzaj tqʼamaʼn Tley Moisés qa iltoq tiʼj tuʼn t-xi kyqʼoʼn eleqʼ jun chojbʼil tiʼjju otoq tzʼetz kyelqʼan.
-
Lu 19:8, 9. Aqʼunan Zaqueo te nejenel kye qeju e cobrarin impuesto ex kubʼ tyekʼin qa ajtz tiʼj tanmi tej t-xi tqʼoʼn juntl maj kye xjal aju otoq tzʼel telqʼan.
-
¿Tiquʼn jaku tzʼok qeʼ qkʼuʼj tiʼj qa kbʼel najsaʼn qil tuʼn Jehová?
Keʼyinka «Najsbʼil il».
¿Alkyeqe o txi tqʼoʼn Jehová kyoklen tuʼn kyonin tiʼj congregación ex tuʼn kyxqʼuqin tiʼj aj tkubʼ tbʼinchaʼn jun erman jun matij il?
Ax ikx qʼonka twitza tiʼjju in tzaj tqʼamaʼn Hch 20:28; Gál 6:1.
Qa ma kubʼ qbʼinchaʼn jun matij il, ¿tiʼ nya bʼaʼn jaku tzaj kyiʼj toj qja moqa tiʼj congregación?
Ax ikx qʼonka twitza tiʼjju in tzaj tqʼamaʼn Dt 29:18.
-
Qe relato jaku che onin qiʼj:
-
Jos 7:1-13, 20-26. Tzaj nya bʼaʼn kyiʼj kykyaqil xjal te Israel tuʼnju kubʼ tbʼinchaʼn Acán jun matij il ex mintiʼ xi tqʼamaʼn.
-
Jon 1:1-16. Chʼixme e kyim kykyaqil xjal ateʼtoq toj bark junx tukʼil Jonás tuʼnju mintiʼ nimen te Jehová.
-
1Co 5:1-7. Xi tqʼamaʼn apóstol Pablo kye okslal te Corinto qa xi kyqʼoʼn ambʼil te jun matij il toj congregación.
-
¿Tiquʼn nim toklen tuʼn qjyon onbʼil kyukʼil ansyan ex tuʼn miʼn qtzaj xobʼ tuʼn qtzaj kawin?
¿Tiquʼn jaku tzʼok qeʼ qkʼuʼj tiʼj qa jaku kubʼ tnajsaʼn Jehová qil ex tuʼn miʼn ttzaj qnaʼn qeju nya bʼaʼn e bʼant quʼn toj ambʼil ojtxe?
Keʼyinka «Najsbʼil il».
Qa ma tzʼok qbʼiʼn qa o kubʼ tbʼinchaʼn jun erman jun matij il, ¿tiquʼn il tiʼj tuʼn tok tilil quʼn tuʼn t-xi qqʼamaʼn te tuʼn tyolin kyukʼil ansyan toj congregación?
-
Qe relato jaku che onin qiʼj:
-
Dt 13:6-9; 21:18-20. Tzaj tqʼamaʼn Tley Moisés qa iltoq tiʼj tuʼn t-xi kyqʼamaʼn xjal te Israel qa otoq kubʼ tbʼinchaʼn jun xjal il, maske kyfamiliar moqa jun xjal kʼujlaʼn kyuʼn.
-
Bʼalo ax ikx tgana jlu
QE XNAQʼTZBʼIL JAKU JATZ WIʼNE TOJ TYOL DIOS
Aju il kubʼ tbʼinchaʼn aj kawil David
Qa ma jaw qjyoʼn jun nya bʼaʼn, ax ikx in che tzaj nim nya bʼaʼn qiʼj.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
