Qe mambʼaj ex qe txubʼaj
¿Tiquʼn kubʼ tbʼinchaʼn Jehová mejebʼleʼn?
¿Tiʼ kyximbʼetz mambʼaj il tiʼj tuʼn tten kyiʼj kykʼwal?
Ax ikx keʼyinka «Qe kʼwal; qe kuʼxun».
-
Qe relato jaku che onin qiʼj:
-
Gé 33:4, 5. Kubʼ t-ximen Jacob qa jun oyaj qe tkʼwal tuʼn Jehová.
-
Éx 1:15, 16, 22; 2:1-4; 6:20. Jakutoq tzaj nya bʼaʼn tiʼj Amram ex Jokébed tuʼnju e xqʼuqin tiʼj Moisés, aju kykʼwal.
-
¿Tiʼ il tiʼj tuʼn tbʼant kyuʼn mambʼaj kyiʼj kykʼwal?
Dt 6:6, 7; 11:18, 19; Pr 22:6; 2Co 12:14; 1Ti 5:8
-
Qe relato jaku che onin qiʼj:
-
1Sa 1:1-4. Xi tiʼn Elcaná tfamilia toj tnam Siló tej kyok ninqʼij ex ok tilil tuʼn tuʼn kykʼulin kykyaqil tkʼwal te Jehová.
-
Lu 2:39, 41. Kukx viajarin José ex María kyukʼil kykʼwal toj tnam Nazaret tuʼn kypon toj tnam Jerusalén tuʼntzun tkubʼ kyikʼsaʼn Pascua.
-
¿Tiquʼn tbʼanel tuʼn t-xi kyyekʼin mambʼaj kye kykʼwal tuʼn kynimen te Jehová?
Ax ikx qʼonka twitza tiʼjju in tzaj tqʼamaʼn 2Ti 3:14, 15.
-
Qe relato jaku che onin qiʼj:
-
1Sa 2:18-21, 26; 3:19. Xi qʼoʼn Samuel kyuʼn tman tuʼn tajbʼen toj tabernáculo, pero kukx e xi visitaril te ex e onin tiʼj tuʼn tten aju at tajbʼen te. Kukx ok tkʼujlaʼn Samuel Jehová ex ten tzʼaqli twitz.
-
Lu 2:51, 52. Kukx nimen Jesús kye tman maske aj il qe.
-
¿Jatumel jaku che kanet tbʼanel consej kyuʼn mambʼaj tuʼn tjaw kychʼiysaʼn kykʼwal?
Dt 6:4-9; Ef 6:4; 2Ti 3:14-17
Ax ikx qʼonka twitza tiʼjju in tzaj tqʼamaʼn Sl 127:1; Pr 16:3.
-
Qe relato jaku che onin qiʼj:
-
Jue 13:2-8. Tej tok tbʼiʼn Manóah ex t-xuʼjil qa tzultoq tqʼoʼn Jehová jun kykʼwal, xi tqanin mas tqanil te tzeʼn tuʼn tjaw kychʼiysaʼn kykʼwal.
-
Sl 78:3-8. Taj Jehová tuʼn t-xi kyxnaqʼtzaʼn mambʼaj kye kykʼwal aju o tzʼel kynikʼ tiʼj toj Biblia.
-
¿Tiquʼn jaku kyaj ttzaqpiʼn jun kʼwal axix tok maske in che ajbʼen tman te Jehová?
-
Qe relato jaku che onin qiʼj:
-
Gé 6:1-5; Jud 6. Maske e anqʼin junjun anjel tukʼil Jehová toj kyaʼj toj nimku ambʼil, el kypan kyibʼ tiʼj ex ya mintiʼ e ajbʼen te.
-
1Sa 8:1-3. Ten profeta Samuel tzʼaqli twitz Jehová ex mintiʼ sbʼuʼn, atzun kye tkʼwal e sbʼuʼn ex mintiʼ xi kyqʼamaʼn ax tok.
-
¿Toj alkye ambʼil jaku txi kyxnaqʼtzaʼn mambʼaj qe tkawbʼil Jehová kye kykʼwal?
-
Qe relato jaku che onin qiʼj:
-
Dt 29:10-12, 29; 31:12; Esd 10:1. Tej tok kychmon kyibʼ xjal te Israel tuʼn tel kynikʼ tiʼj Jehová, xi kyiʼn qe kykʼwal kyukʼil.
-
Lu 2:41-52. Otoq naqʼet José ex María tuʼn t-xi kyiʼn Jesús ex qe titzʼin tuʼntzun tkubʼ kyikʼsaʼn Pascua toj templo te Jerusalén.
-
¿Alkyeqe techel jaku che onin kyiʼj mambʼaj tuʼn tok kyxqʼuqin kykʼwal kyiʼj qeju jaku tzʼok kybʼinchaʼn nya bʼaʼn kyiʼj?
-
Qe relato jaku che onin qiʼj:
-
Éx 19:4; Dt 32:11, 12. Tzaj tqʼamaʼn Jehová qa in nok ik tzeʼn jun tʼiw in xi tiʼn qe tal tibʼaj ex in xqʼuqin kyiʼj.
-
Is 49:15. In tzaj tqʼamaʼn Jehová qa mas nim qʼaqʼbʼil tkʼuʼj twitz jun txubʼaj ex qa in xqʼuqin kyiʼj tmajen.
-
Mt 2:1-16. Tajtoq Satanás tuʼn tkubʼ tbʼyoʼn Jesús tej tzmatoq tal neʼẍ, tuʼntzunju, xi tsamaʼn junjun astrólogo tukʼil rey Herodes. Pero kolin Jehová tiʼj Tkʼwal ex xi tqʼamaʼn te José tuʼn kyxiʼ toj Egipto.
-
Mt 23:37. Ajbʼen jun techel tuʼn Jesús tuʼn ttzaj tyekʼin qa ximen kyiʼj xjal te Israel. Tzaj tqʼamaʼn qa ok ik tzeʼn jun ttxuʼ ekʼ in che ok tchmoʼn tal tjaqʼ t-xikʼ.
-
¿Tiquʼn il tiʼj tuʼn kyyolin mambʼaj kyukʼil kykʼwal tiʼjju tuʼn tkubʼ ten jun xinaq tukʼil jun xuʼj?
-
Qe relato jaku che onin qiʼj:
-
Le 15:2, 3, 16, 18, 19; Dt 31:10-13. Tzaj tyekʼin Tley Moisés tiʼ t-ximbʼetz Jehová ten tiʼjju tuʼn tkubʼ ten jun xinaq tukʼil jun xuʼj. Ax ikx, tzaj tqʼamaʼn Jehová qa iltoq tiʼj tuʼn kyten kʼwal aj tjaw uʼjit.
-
Sl 139:13-16. Toj uʼj te Salmo, xi tqʼoʼn David nimxix chjonte te Jehová tuʼnju alkye tten kubʼ tbʼinchaʼn qxmilal ex tuʼnju tzaj tqʼoʼn ambʼil kye xjal tuʼn tul kykʼwal.
-
Pr 2:10-15. In tzaj tqʼoʼn Jehová qojtzqibʼil ex qnabʼil tuʼn tok qxqʼuqin qibʼ kyiʼj nya bʼaʼn xjal.
-
¿Tiquʼn il tiʼj tuʼn t-xi kykawin mambʼaj kykʼwal tukʼil kʼujlabʼil?
Pr 13:24; 29:17; Jer 30:11; Ef 6:4
Ax ikx qʼonka twitza tiʼjju in tzaj tqʼamaʼn Sl 25:8; 145:9; Col 3:21.
-
Qe relato jaku che onin qiʼj:
-
Sl 32:1-5. Tzaj tbʼis rey David tej t-xi kawin tuʼn Jehová, pero chewix tanmi tej tel tnikʼ tiʼj qa in kubʼ tnajsaʼn Jehová kyil qeju axix tok in najtz tiʼj kyanmi.
-
Jon 4:1-11. Kubʼ tyekʼin Jehová tpasens tiʼj Jonás tej tzaj tqʼoj ex tej tyolin nya toj tumel. Ax ikx, xi tyekʼin te qa nimtoq toklen tuʼn tkubʼ tyekʼin qʼaqʼbʼil tkʼuʼj.
-
¿Tiquʼn in xi qqʼamaʼn qa jun yekʼbʼil tiʼj kykʼujlabʼil mambʼaj aj t-xi kykawin kykʼwal?
Bʼalo ax ikx tgana jlu
¡WEʼKTZA!
Tuʼn kytzalaj ja xjal: Kyqʼonkuye tbʼanel techel kywitz
Aqeye mambʼaj, qa kyaje tuʼn kynimen kykʼwale kyeye, nim toklen tuʼn tkubʼ kyqʼoʼne jun tbʼanel techel kywitz.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
