Qe relato jaku che onin qiʼj:

• Gé 24:​1-4, 7. Tej ya otoq tijen Abrahán, kubʼ t-ximen tuʼn t-xi tjyoʼn jun t-xuʼjil Isaac ajbʼel te Jehová. Ex nyatoq taj tuʼn tkubʼ mojeʼ tukʼil jun xuʼj te Canaán tuʼnju e kʼulin kywitz dios nya ax tok.

• Gé 28:​1-4. Xi tqʼamaʼn Isaac te Jacob tuʼn miʼn tkubʼ mojeʼ tukʼil jun xuʼj te Canaán ex tuʼn t-xi tjyoʼn jun t-xuʼjil in najbʼentoq te Jehová.

Qe relato jaku che onin qiʼj:

• 1Re 11:​1-6, 9-11. Tzaj tqʼoj Jehová tiʼj Salomón tuʼnju mintiʼ xi tbʼiʼn tyol ex kubʼ mojeʼ kyukʼil xuʼj te junjuntl tnam. Tej tikʼ ambʼil, kubʼ tkʼuʼj Salomón kyuʼn t-xuʼjil tuʼn tkʼulin kywitz junjuntl dios.

• Ne 13:​23-27. Tzaj tqʼoj Jehová tej kykubʼ mojeʼ xjal te Israel kyukʼil xuʼj te junjuntl tnam ex mintiʼ in che ajbʼen te. Ax ikx te Nehemías tzaj tqʼoj kyiʼj, tuʼntzunju e xi tkawin.

Qe relato jaku che onin qiʼj:

• 1Sa 25:​2, 3, 14-17. Maske ten nim tqʼinumabʼil Nabal, aju tchmil Abigaíl, mintiʼ ok te jun tbʼanel chmilbʼaj tuʼnju ten nya bʼaʼn tmod.

• Pr 21:9. Qa mintiʼ ma jaw qjyoʼn toj tumel alqukʼil qo kbʼel mojeʼ, jakulo kubʼ qnaʼn bʼis toj qmejebʼleʼn ex mlay ten mujbʼabʼil qxol.

• Ro 7:2. Tzaj tqʼamaʼn apóstol Pablo qa aj tkubʼ mojeʼ jun xuʼj, in nokx tqʼoʼn tibʼ tjaqʼ tkawbʼil jun xinaq aj il. Tuʼntzunju, qa at tnabʼil jun xuʼj, kbʼel t-ximen alqukʼil kbʼel mojeʼ.

Qe relato jaku che onin qiʼj:

• Pr 24:27. Il tiʼj tuʼn tkubʼ tyekʼin jun xinaq qa aqʼunal xjal ex qa jaku kʼachit jun familia tuʼn naʼmxtoq tkubʼ mojeʼ ex naʼmxtoq kyul itzʼj tkʼwal.

Qe relato jaku che onin qiʼj:

• Rut 2:​4-7, 10-12. El tnikʼ Boaz tiʼj qa ok Rut te jun tbʼanel xuʼj tuʼnju e yolin txqantl bʼaʼn tiʼj, ok te aqʼunal xjal, kubʼ tyekʼin tbʼanel tmod tukʼil Noemí ex ok tkʼujlaʼn Jehová.

• Rut 2:​8, 9, 20. El tnikʼ Rut tiʼj qa kubʼ tyekʼin Boaz tbʼanel tmod, xi tqʼoʼn oyaj kye txqantl ex qa kʼujlaʼn Jehová tuʼn.

Qe relato jaku che onin qiʼj:

• Pr 5:​18, 19. Ateʼ junjun tumel tzeʼn jaku kubʼ tyekʼin jun xinaq ex jun xuʼj kykʼujlabʼil kyxol, pero oʼkx qa ya otoq che kubʼ mojeʼ.

• Can 1:2; 2:6. Tej tok tojtzqiʼn tibʼ pastor tukʼil sulamita, kubʼ kyyekʼin kykʼujlabʼil kyxol toj tumel ex mintiʼ kubʼ kybʼinchaʼn jun nya bʼaʼn.

• Can 4:12; 8:​8-10. In tzaj tqʼamaʼn Biblia qa ok sulamita ik tzeʼn jun jardín circularin tiʼj tuʼnju mintiʼ kubʼ tbʼinchaʼn jun nya bʼaʼn.

Qe relato jaku che onin qiʼj:

• Gé 21:​8-12. Xi tqʼamaʼn Jehová te Abrahán tuʼn t-xi tbʼiʼn tyol t-xuʼjil maske nya bʼaʼn ela toj twitz aju xi tqʼamaʼn Sara te.

• Pr 31:​10, 11, 16, 28. Qa at tnabʼil jun chmilbʼaj, mintiʼ in nok tqʼoʼn twitz tiʼj tkyaqilju in bʼant tuʼn t-xuʼjil ex mintiʼ in jyon kyiʼj tpaltil. Sino in nok qeʼ tkʼuʼj tiʼj t-xuʼjil ex in nok tqʼoʼn toklen ik tzeʼn in bʼant tuʼn tchmil tbʼanel xuʼj in yolin Biblia tiʼj.

• Ef 5:33. Tzaj tyekʼin apóstol Pablo qa il tiʼj tuʼn tkubʼ tnaʼn jun xuʼj qa kʼujlaʼn tuʼn tchmil.

Qe relato jaku che onin qiʼj:

• Pr 1:8; 1Co 7:4. O txi tqʼoʼn Jehová junjun kyoklen xuʼjilbʼaj ex txubʼaj toj mejebʼleʼn, ax ikx tuʼn t-xi kyqʼoʼn xnaqʼtzbʼil kye kyal.

• 1Co 11:3. Tzaj tqʼamaʼn apóstol Pablo qa qkyaqilx atoʼ tjaqʼ tkawbʼil juntl, oʼkx te Jehová mintiʼ.

• Heb 13:​7, 17. Qkyaqilx il tiʼj tuʼn qnimen kye qeju o txi qʼoʼn jun kyoklen toj congregación ex tuʼn qonin kyiʼj.

 Qe relato jaku che onin qiʼj:

• Gé 18:12; 1Pe 3:​5, 6. Ok tqʼoʼn Sara toklen tchmil ex ok tqʼoʼn tbʼi te «tat» tuʼnju el tnikʼ tiʼj qa tzaj qʼoʼn toklen tuʼn t-xqʼuqin tiʼj tamiwbʼil tukʼil Jehová.

Qe relato jaku che onin qiʼj:

• Gé 24:​62-67. Xi tqʼuqbʼaʼn Rebeca tkʼuʼj Isaac tej tkyim ttxuʼ.

• 1Sa 25:​14-24, 32-38. Kubʼ tyekʼin Nabal qa mintiʼ tnabʼil, tuʼntzunju xi Abigaíl yolil te t-xel tukʼil David ex kubʼ tin tibʼ. Tuʼn jlu, e klet kykyaqil toj tja.

• Est 4:​6-17; 5:​1-8; 7:​1-6; 8:​3-6. Jakutoq kubʼ bʼyoʼn Ester qa ma tzʼokx twitz rey, aju tchmil, ex mintiʼ tzaj qʼoʼn txokbʼil tiʼj. Noqtzun tuʼnj, xi kabʼe maj yolil tukʼil tuʼn tkolin tiʼj ttnam Dios.