Qe relato jaku che onin qiʼj:

• 1Re 18:​36-38. Jun rat tzaj ttzaqʼweʼn Jehová tnaʼj Dios Elías tej tqʼojin kyukʼil tprofeta Baal twi witz Carmelo.

• Mt 7:​7-11. Tzaj tqʼoʼn Jesús txokbʼil qiʼj tuʼn kukx qnaʼn Dios ex tzaj ttziyen qe qa in qo tzaj tbʼiʼn Jehová tuʼnju kʼujlaʼn qoʼ tuʼn.

Qe relato jaku che onin qiʼj:

• Jos 24:​9, 10. Mintiʼ tzaj tbʼiʼn Jehová tnaʼj Dios Balaam tuʼnju mintiʼtoq toklen tukʼil t-ximbʼetz.

• Is 1:​15-17. Mintiʼ xi tbʼiʼn Jehová kynaʼj Dios xjal te Israel tuʼnju e ok te xmeletzʼ ex te bʼyol xjal.

Qe relato jaku che onin qiʼj:

• 1Cr 29:​10-19. Naʼn rey David Dios kywitz kykyaqil xjal te Israel tej tjaw kychmoʼn qe oyaj pon kyiʼn toj templo.

• Hch 1:​12-14. Ok kychmon kyibʼ titzʼin Jesús, aju ttxuʼ, qe t-apóstol ex junjuntl xuʼj tuʼn kynaʼn Dios twi jun ja toj Jerusalén.

Qe relato jaku che onin qiʼj:

• Da 6:​6-10. Kukx naʼn profeta Daniel Dios ex mintiʼ xi tewin tibʼ maske jakutoq kubʼ bʼyoʼn.

• Lu 18:​1-8. Tzaj tqʼamaʼn Jesús qa xi tbʼiʼn jun jwes tyol jun xuʼj ex xi tbʼinchaʼn tiʼj nya bʼaʼn tuʼnju kukx kubʼsan twitz. Ajbʼen techel lu tuʼn tuʼn ttzaj tyekʼin qe qa in tzaj ttzaqʼweʼn Jehová kynaʼj Dios qeju kukx in che kubʼsan twitz.

Qe relato jaku che onin qiʼj:

• 2Re 22:​11-13, 18-20. Kubʼ tyekʼin Jehová tbʼanel tmod tukʼil rey Josías ex tzaj qʼaqʼin tkʼuʼj tiʼj tuʼnju kubʼ tin tibʼ ex ok tilil tuʼn tuʼn t-xi tbʼinchaʼn aju bʼaʼn.

• 2Cr 33:​10-13. Kubʼ tmansin tibʼ Manasés tej tnaʼn Dios te Jehová, tuʼntzunju, kubʼ najsaʼn til ex xi qʼoʼn juntl maj toklen te rey.

Qe relato jaku che onin qiʼj:

• 1Re 3:​11, 12. Tzaj tqʼoʼn Jehová nimxix tnabʼil Salomón tuʼnju xi tqanin te.

Qe relato jaku che onin qiʼj:

• Lu 10:21. Jaw tnimsaʼn Jesús Jehová kywitz xjal tuʼnju tzaj tyekʼin axix tok kye qeju in kubʼ kyin kyibʼ ik tzeʼn qe kʼwal.

• Ap 4:​9-11. In jaw nimsaʼn Jehová kyuʼn kykyaqil tmajen ateʼ toj kyaʼj.

Qe relato jaku che onin qiʼj:

• 1Re 18:​25-29, 36-39. Tej tqʼojin Elías kyukʼil tprofeta Baal, ok tilil kyuʼn tuʼn kykubʼsan twitz kydios, pero mintiʼ e tzaj tzaqʼweʼn tuʼn.

• Hch 19:​32-41. Toj kabʼe or e schʼin nim xjal te Éfeso tej kykʼulin twitz diosa Ártemis. Pero mintiʼ e tzaj tzaqʼweʼn, sino oʼkx e xi kawin tuʼn secretario te tnam.