Qe relato jaku che onin qiʼj:

• Sl 78:​40, 41; 106:​36-46. Maske nim maj tzaj tbʼis Jehová kyuʼn xjal te Israel, kubʼ tnajsaʼn kyil tej kyel txalpaj.

• Lu 15:​11-32. Tuʼn ttzaj tyekʼin Jesús qe qa in kubʼ tnajsaʼn Jehová qil, yolin tiʼj jun mambʼaj tzaj qʼaqʼin tkʼuʼj tiʼj tkʼwal ex kubʼ tnajsaʼn til tej tajtz tiʼj tanmi.

Qe relato jaku che onin qiʼj:

• Heb 9:​22-28. Tzaj tqʼamaʼn apóstol Pablo qa jaku kubʼ tnajsaʼn Jehová qil noq tuʼn chojbʼil bʼant tuʼn Jesús.

• Ap 7:​9, 10, 14, 15. Kubʼ ttzʼibʼin apóstol Juan qa kubʼ tnajsaʼn Dios kyil «nimxix kyajlal xjal» tuʼnju ok qeʼ kykʼuʼj tiʼj chojbʼil bʼant tuʼn Jesús.

Qe relato jaku che onin qiʼj:

• Job 42:​7-10. Tej naʼmxtoq tkubʼ tqʼanin Jehová Job ex tej naʼmxtoq ttzaj tkʼiwlaʼn, xi tqʼamaʼn te tuʼn tnaʼn Dios kyiʼj qeju oxe xjal e yolin nya bʼaʼn tiʼj.

• Mt 18:​21-35. Yolin Jesús tiʼj jun techel tuʼn ttzaj tyekʼin qe qa il tiʼj tuʼn tkubʼ qnajsaʼn kyil txqantl qa qaj tuʼn tkubʼ tnajsaʼn Jehová qil.

 Qe relato jaku che onin qiʼj:

• Sl 32:​1-5; 51:​1, 2, 16, 17. Kubʼ tnaʼn David nimxix bʼis tuʼnju otoq kubʼ tbʼinchaʼn junjun matij il, pero kubʼ tyekʼin qa axix tok ajtz tiʼj tanmi.

• Snt 5:​14-16. Tzaj tqʼamaʼn Santiago qa il tiʼj tuʼn tyolin jun erman kyukʼil ansyan qa otoq kubʼ tbʼinchaʼn jun matij il.

Qe relato jaku che onin qiʼj:

• 1Re 21:​27-29; 2Cr 18:​18-22, 33, 34; 19:​1, 2. Tzaj qʼaqʼin tkʼuʼj Jehová tiʼj rey Acab tej tkubʼ tyekʼin qa tzaj tbʼis tej t-xi qʼamaʼn te qa kbʼel qʼoʼn tkastiw. Pero yajxitl kubʼ tyekʼin qa nya ax tok ajtz tiʼj tanmi, tuʼntzunju mintiʼ kubʼ tnajsaʼn Jehová til ex xi tqʼoʼn ambʼil tuʼn tkubʼ bʼyoʼn.

• 2Cr 33:​1-16. Maske kubʼ tbʼinchaʼn Manasés nim nya bʼaʼn, kubʼ tnajsaʼn Jehová til tuʼnju kubʼ tyekʼin qa axix tok ajtz tiʼj tanmi. Yajxitl, ok tilil tuʼn Manasés tuʼn miʼn kykʼulin xjal te Israel kywitz nya ax tok dios ex tuʼn kykʼulin te Jehová.

Qe relato jaku che onin qiʼj:

• 2Sa 12:13; 24:1; 1Re 9:​4, 5. Maske otoq kubʼ tbʼinchaʼn David junjun matij il, tzaj qʼaqʼin tkʼuʼj Jehová tiʼj tuʼnju kubʼ tyekʼin qa ajtz tiʼj tanmi. Yajxitl, tzaj tqʼamaʼn Jehová qa ten David tzʼaqli twitz.

Qe relato jaku che onin qiʼj:

• Mt 26:​36, 40, 41. Tej mas tajtoq Jesús onbʼil, e ikʼ jtan t-xnaqʼtzbʼen ex mintiʼ e ten tukʼil. Pero el tnikʼ Jesús tiʼj qa otoq che sikt.

• Mt 26:​69-75; Lu 24:​33, 34; Hch 2:​37-41. Kubʼ tewin Pedro oxe maj qa mintiʼtoq ojtzqiʼn Jesús tuʼn, pero kubʼ najsaʼn til tuʼn Jesús tuʼnju kubʼ tyekʼin qa otoq tzʼajtz tiʼj tanmi. Tej tjaw anqʼin Jesús, kubʼ tyekʼin tibʼ twitz Pedro ex xi tqʼoʼn junjuntl toklen toj congregación.

Qe relato jaku che onin qiʼj:

• Mt 23:​29-33. Xi tqʼamaʼn Jesús kye escriba ex fariseo qa oktoq che xeʼl toj Gehena qa mintiʼtoq ma chʼexpaj kymod, toj juntl yol qa oktoq che kbʼel najsaʼn te jumajx.

• Jn 17:12; Mr 14:21. Tzaj tqʼamaʼn Jesús qa iltoq tiʼj tuʼn tkyim Judas Iscariote ex qa maswitlo bʼaʼn noqwit mintiʼ ul itzʼj.