Okslabʼil nya axix tok
¿In che kʼulinpe kykyaqil okslabʼil twitz ax Dios?
¿In tzajpe tyekʼin Biblia qa in xi tkʼamoʼn Jehová kykyaqil okslabʼil maske nya junx kyxnaqʼtzbʼil?
Mt 7:13, 14; Jn 17:3; Ef 4:4-6
-
Qe relato jaku che onin qiʼj:
-
Jos 24:15. Tzaj tqʼamaʼn Josué qa il tiʼj tuʼn tkubʼ qximen alqe qo ajbʼel, qa te Jehová moqa kye junjuntl dios.
-
1Re 18:19-40. Ajbʼen profeta Elías tuʼn Jehová tuʼn t-xi t-xnaqʼtzaʼn kye tmajen qa nim toklen tuʼn kykʼulin oʼkx te ex qa mintiʼ tuʼn kykʼulin kywitz junjuntl dios ik tzeʼn Baal.
-
¿Tiʼ t-ximbʼetz Jehová ten kyiʼj dios ok kyqʼoʼn xjal kyoklen ex tiʼj kʼulbʼil xi kyqʼoʼn kye?
¿Tiʼ t-ximbʼetz Jehová at kyiʼj xjal in tzaj kyqʼamaʼn qa in che kʼulin te, pero in che participarin kyoj junjuntl actividad at toklen tukʼil okslabʼil nya axix tok?
Is 1:13-15; 1Co 10:20-22; 2Co 6:14, 15, 17
-
Qe relato jaku che onin qiʼj:
-
Éx 32:1-10. Kubʼ tkʼuʼj Aarón kyuʼn xjal te Israel tuʼn tkubʼ tbʼinchaʼn jun tilbʼilal tal wakẍ ex tuʼn tkubʼ tikʼsaʼn jun «ninqʼij te nimbʼil te» Jehová. Pero tzaj tqʼoj Jehová tiʼjju bʼant kyuʼn.
-
1Re 12:26-30. Nyatoq taj rey Jeroboán tuʼn kyxiʼ xjal kʼulil te Jehová toj Jerusalén. Tuʼntzunju, e kubʼ tbʼinchaʼn junjun tilbʼilal ex xi tqʼamaʼn kye xjal qa kubʼ kyechlaʼn Jehová, ex tuʼn jlu e bʼinchan xjal il.
-
¿Tzeʼn xi t-xnaqʼtzaʼn Jehová kye xjal te Israel qa iltoq tiʼj tuʼn tel kypan kyibʼ kyiʼj xjal in che kʼulin kywitz junjuntl dios?
¿Tiʼ bʼant tuʼn Jehová tej kykʼulin xjal te Israel kywitz junjuntl dios?
Jue 10:6, 7; Sl 106:35-40; Jer 44:2, 3
-
Qe relato jaku che onin qiʼj:
-
1Re 11:1-9. Kʼulin Salomón kywitz junjuntl dios tuʼnju xi tbʼiʼn kyyol t-xuʼjil te junjuntl tnam. Ax ikx xi tqʼamaʼn kye xjal tuʼn tbʼant ax jlu kyuʼn, tuʼntzunju, tzaj tqʼoj Jehová tiʼj.
-
Sl 78:40, 41, 55-62. Tzaj tqʼamaʼn Asaf qa tzaj tbʼis Jehová tuʼnju mintiʼ e nimen xjal te Israel te ex i el tikʼun tuʼnju e kʼulin kywitz junjuntl dios.
-
¿Tiʼ tzaqʼwebʼil xi tqʼoʼn Jesús kye xjal tej kyyolin kyiʼj xnaqʼtzbʼil mintiʼ kyoklen tukʼilju in tzaj tqʼamaʼn Tyol Dios?
-
Qe relato jaku che onin qiʼj:
-
Mt 16:6, 12. Xi tqʼamaʼn Jesús kye fariseo ex saduceo qa ok nya ax tok xnaqʼtzbʼil xi kyqʼoʼn ik tzeʼn levadura, tuʼnju jakutoq tzaj kyiʼn nya bʼaʼn tiʼj kyamiwbʼil txqantl tukʼil Jehová.
-
Mt 23:5-7, 23-33. Xi tqʼamaʼn Jesús kye fariseo ex kye escriba qa e ok te xmeletzʼ ex qa nya toj tumel xnaqʼtzbʼil xi kyqʼoʼn.
-
Mr 7:5-9. Tzaj tqʼamaʼn Jesús qa nya toj tumel kybʼinchbʼen escriba ex fariseo tuʼnju mas ok kyqʼoʼn toklen kykostumbr xjal twitzju in tzaj t-xnaqʼtzaʼn Tyol Dios.
-
¿Tajpetoq Jesús tuʼn tel kypan kyibʼ t-xnaqʼtzbʼen ex tuʼn kyten kyoj junxichaq okslabʼil?
-
Qe relato jaku che onin qiʼj:
-
Jn 15:4, 5. Yolin Jesús tiʼj jun tqan uva tuʼn ttzaj tyekʼin qa iltoq tiʼj tuʼn kyten t-xnaqʼtzbʼen junx tukʼil ex tuʼn tten mujbʼabʼil kyxol.
-
Jn 17:1, 6, 11, 20-23. Toj qonikʼen tej naʼmxtoq tkubʼ bʼyoʼn Jesús, xi tqanin te Jehová toj naʼj Dios tuʼn tten mujbʼabʼil kyxol t-xnaqʼtzbʼen.
-
¿Axpe xnaqʼtzbʼil ex aʼyexpe tiʼchaq bʼant kyuʼn okslal toj tnejel syent abʼqʼi toj kyajbʼebʼil te Jehová?
-
Qe relato jaku che onin qiʼj:
-
Hch 11:20-23, 25, 26. Junx e aqʼunan erman te Antioquía kyukʼil te Jerusalén ex ten mujbʼabʼil kyxol.
-
Ro 15:25, 26; 2Co 8:1-7. Kubʼ kyyekʼin okslal te tnejel syent abʼqʼi kʼujlabʼil kyxol tej tbʼaj kyonin kyibʼ tej ttzaj jun nya bʼaʼn ex tuʼn jlu ten mujbʼabʼil kyxol.
-
¿In xipe tkʼamoʼn Jehová kykʼulbʼil kykyaqil okslal in kyqʼamaʼn qa in nok qeʼ kykʼuʼj tiʼj Jesús?
¿In xipe tkʼamoʼn Dios kykʼulbʼil xjal mintiʼ in che ok lepeʼ kyiʼj xnaqʼtzbʼil kyaj tyekʼin Jesús ex qe t-apóstol?
-
Qe relato jaku che onin qiʼj:
-
Mt 13:24-30, 36-43. Ok tmojbʼaʼn Jesús qe nya axix tok okslal tukʼil chʼiʼx kʼul ex tzaj tqʼamaʼn qa kchmetel kybʼet, ex qa che sbʼul tiʼj congregación.
-
1Jn 2:18, 19. Tej chʼixtoq tkubʼaj tnejel syent abʼqʼi, tej ya otoq tijen apóstol Juan, tzaj tqʼamaʼn qa ya otoq chmet kybʼet nya axix tok okslal.
-
Qa ma txi qʼoʼn ambʼil kye xjal mintiʼ in che nimen te Jesús ex te nya ax tok xnaqʼtzbʼil, ¿tiʼ jaku bʼaj tiʼj congregación?
¿Tiʼ il tiʼj tuʼn tbʼant kyuʼn okslal tuʼn kukx tten mujbʼabʼil kyxol?
¿Tiquʼn il tiʼj tuʼn tel kypan kyibʼ okslal kyiʼj okslabʼil nya axix tok?
¿Tiquʼn bʼaʼn tuʼn qonin kyiʼj xjal tuʼn tel kynikʼ tiʼj alkyeqe xnaqʼtzbʼil nya axix tok?
¿Tiquʼn mintiʼ tuʼn qjaw labʼin aj qel ikʼun moqa aj qok kʼixbʼisaʼn kyuʼn xjal te junjuntl okslabʼil?
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿In che kʼulinpe testigo de Jehová junx kyukʼil txqantl okslabʼil?
¿Bʼaʼnpe tuʼn tkʼulin jun okslal junx kyukʼil txqantl xjal te junxitl okslabʼil? ¿Tiʼ in tzaj tqʼamaʼn Tyol Dios tiʼj jlu?
QE XJEL TIʼJ TYOL DIOS
¿In che oninpe kykyaqil okslabʼil qiʼj tuʼn qok laqʼeʼ ttxlaj Dios?
In tzaj tqʼamaʼn Tyol Dios kabʼe tiʼ nim toklen tuʼn tel qnikʼ tiʼj xjel lu.
QE XNAQʼTZBʼIL JAKU JATZ WIʼNE TOJ TYOL DIOS
Kubʼ paʼn jun kawbʼil
Nim aj Israel ya mintiʼ e kʼulin te Jehová.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
