Qʼaqʼbʼil qkʼuʼj
¿Alkye junjun mod at kyoklen tukʼil qʼaqʼbʼil qkʼuʼj?
-
Qe relato jaku che onin qiʼj:
-
Sl 51:1, 2. Kubʼsan rey David twitz Jehová tuʼn tkubʼ tyekʼin qʼaqʼbʼil tkʼuʼj tiʼj ex tuʼn tkubʼ tnajsaʼn til.
-
Lu 10:29-37. Tuʼn tel qnikʼ tiʼj tiʼ t-xilen tuʼn tkubʼ qyekʼin qʼaqʼbʼil qkʼuʼj, yolin Jesús tiʼj jun xjal te Samaria kubʼ tyekʼin tbʼanel tmod tukʼil jun xjal judiy.
-
¿Tiquʼn qkyaqilx qaj tuʼn ttzaj qʼaqʼin kykʼuʼj txqantl qiʼj?
Ax ikx qʼonka twitza tiʼjju in tzaj tqʼamaʼn 1Re 8:46-50.
¿Tzeʼn ojtzqiʼn quʼn qa at qʼaqʼbʼil tkʼuʼj Jehová?
Éx 34:6; Ne 9:17; Sl 103:8; 2Co 1:3
-
Qe relato jaku che onin qiʼj:
-
Job 42:1, 2, 6-10; Snt 5:11. Kubʼ tyekʼin Jehová qʼaqʼbʼil tkʼuʼj tiʼj Job ex xi tyekʼin te tzeʼn tuʼn ttzaj qʼaqʼin tkʼuʼj kyiʼj txqantl.
-
Lu 15:11-32. Ok tmojbʼaʼn Jesús qʼaqʼbʼil tkʼuʼj Jehová tukʼil tmod jun mambʼaj in kubʼ tyekʼin tukʼil tkʼwal otoq tzʼajtz tiʼj tanmi kyiʼj nya bʼaʼn tbʼinchbʼen.
-
¿Tiquʼn in kubʼ tyekʼin Jehová qʼaqʼbʼil tkʼuʼj qiʼj?
Ax ikx qʼonka twitza tiʼjju in tzaj tqʼamaʼn Tit 3:4, 5.
¿Tzeʼn in nonin chojbʼil bʼant tuʼn Jesús tuʼn tkubʼ najsaʼn qil?
¿Tiquʼn bʼaʼn tuʼn t-xi qqanin te Jehová tuʼn tkubʼ tyekʼin qʼaqʼbʼil tkʼuʼj qiʼj ex tuʼn t-xi qqʼoʼn chjonte te?
-
Qe relato jaku che onin qiʼj:
-
Sl 51:1-4. Tej tkubʼ tbʼinchaʼn rey David jun matij il, tzaj tbʼis ex kubʼsan twitz Jehová tuʼn ttzaj qʼaqʼin tkʼuʼj tiʼj ex tuʼn tkubʼ tnajsaʼn til.
-
Lu 18:9-14. Tzaj tqʼamaʼn Jesús jun relato tuʼn ttzaj t-xnaqʼtzaʼn qa in tzaj qʼaqʼin tkʼuʼj Jehová kyiʼj qeju in kubʼ kyin kyibʼ ex in nel kynikʼ tiʼj kypaltil.
-
¿Tzeʼn ojtzqiʼn quʼn qa jaku kubʼ tyekʼin Jehová qʼaqʼbʼil tkʼuʼj kyiʼj qeju o kubʼ kybʼinchaʼn jun matij il?
-
Qe relato jaku che onin qiʼj:
-
2Cr 33:9-13, 15. Maske kubʼ tbʼinchaʼn rey Manasés nim nya bʼaʼn, ajtz tiʼj tanmi ex kubʼsan twitz Jehová tuʼn tkubʼ tyekʼin qʼaqʼbʼil tkʼuʼj tiʼj. Yajxitl ok te rey juntl maj ex kubʼ tyekʼin tukʼil tbʼinchbʼen qa otoq chʼexpaj tmod.
-
Jon 3:4-10. Kubʼ kybʼinchaʼn xjal te Nínive nim nya bʼaʼn ex kubʼ kybʼyoʼn nimku xjal, pero ajtz tiʼj kyanmi ex tzaj qʼaqʼin tkʼuʼj Jehová kyiʼj.
-
¿Tiquʼn nim toklen tuʼn t-xi qqʼamaʼn qil ex tuʼn kybʼant chʼixpubʼil quʼn qa qaj tuʼn tkubʼ tyekʼin Jehová qʼaqʼbʼil tkʼuʼj qiʼj?
Maske in kubʼ tyekʼin Jehová qʼaqʼbʼil tkʼuʼj qiʼj, atlo maj il tiʼj tuʼn qtzaj kawin moqa tuʼn qok weʼ kywitz nya bʼaʼn in che tzaj tuʼn qbʼinchbʼen
¿Tiquʼn il tiʼj tuʼn tkubʼ qyekʼin qʼaqʼbʼil qkʼuʼj kyiʼj txqantl?
Qa mintiʼ ma kubʼ qyekʼin qʼaqʼbʼil qkʼuʼj, ¿tiʼ jaku tzaj tiʼj qamiwbʼil tukʼil Jehová?
Ax ikx qʼonka twitza tiʼjju in tzaj tqʼamaʼn Pr 21:13.
-
Qe relato jaku che onin qiʼj:
-
Mt 18:23-35. Ajbʼen jun techel tuʼn Jesús tuʼn ttzaj tyekʼin qe qa mlay kubʼ tyekʼin Jehová qʼaqʼbʼil tkʼuʼj qiʼj qa mintiʼ ma kubʼ qyekʼin qʼaqʼbʼil qkʼuʼj kyiʼj txqantl.
-
Lu 10:29-37. Aju relato in yolin tiʼj xjal te Samaria, in tzaj tyekʼin qa in tzalaj Jehová ex Jesús kyiʼj xjal in kubʼ kyyekʼin qʼaqʼbʼil kykʼuʼj, pero mintiʼ in che tzalaj kyiʼj qeju mintiʼ in bʼant jlu kyuʼn.
-
¿Tiʼ tmod Jehová in kubʼ tyekʼin kyukʼil xjal in kubʼ kyyekʼin qʼaqʼbʼil kykʼuʼj?
Bʼalo ax ikx tgana jlu
QE XJEL TIʼJ TYOL DIOS
¿Jakupe tzʼonin Biblia wiʼje tuʼn miʼn tkubʼ nnaʼne qa mintiʼ in kubʼ najsaʼn wile?
Qa in kubʼ tnaʼna qa mintiʼ in kubʼ najsaʼn tila, jaku che onin oxe consej lu tiʼja tuʼn ttzalaja.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
