Qeju o che tijen
¿Tiʼ in bʼaj akux in qo tijen?
Ax ikx keʼyinka «Qʼuqbʼil qkʼuʼj: Qa kwest tuʼn kybʼant junjun tiʼchaq quʼn tuʼn jun yabʼil moqa tuʼnju otoq qo tijen».
-
Qe relato jaku che onin qiʼj:
-
Ec 12:1-8. E ajbʼen junjun techel tuʼn Salomón tuʼn ttzaj tqʼamaʼn tiʼ in bʼaj qiʼj aj qtijen. Jun techel, tqʼama jlu: «Kʼokel yupj tiʼj tbʼaqʼ twitza ex mlay tila wen» «ex ya mlay tbʼiya tqʼajqʼajel kykyaʼ xjal, mi kybʼitz qe chyuʼj».
-
Jaku tzʼok weʼ jun xjal kywitz nya bʼaʼn aj ttijen ex ya mlay bʼant junjun tiʼchaq tuʼn, ¿pero jakupe tzalaj toj ambʼil lu?
-
Qe relato jaku che onin qiʼj:
-
1Sa 12:2, 23. Tej ya otoq tijen profeta Samuel, tzaj tqʼamaʼn qa kukx iltoq tiʼj tuʼn tnaʼn Dios kyiʼj tmajen Jehová.
-
2Sa 19:31-39. Xi tqʼoʼn rey David chjonte te Barzilái tuʼnju onin tiʼj maske ya otoq tijen. Pero el tnikʼ Barzilái tiʼj qa mlaytoq bʼant junjun aqʼuntl tuʼn ex mintiʼ tzaj tkʼamoʼn.
-
Sl 71:9, 18. Tej ttijen rey David mintiʼ ok qeʼ tkʼuʼj tiʼj qa kukx attoq tajbʼen te Jehová. Tuʼntzunju, xi tqanin te toj jun naʼj Dios tuʼn kukx tajbʼen tuʼn ex tuʼn tyolin kyiʼj tbʼinchbʼen kyukʼil txqantl.
-
Lu 2:36-38. Ya otoq tijen profetisa Ana ex otoq kyim tchmil, pero tzaj kʼiwlaʼn tuʼn Jehová tuʼnju kukx ajbʼen te.
-
¿Tzeʼn in xi tyekʼin Jehová kye qeju o che tijen qa nim kyoklen toj twitz?
Sl 92:12-14; Pr 16:31; 20:29; Is 46:4; Tit 2:2-5
-
Qe relato jaku che onin qiʼj:
-
Gé 12:1-4. Tej qʼiʼntoq 75 abʼqʼi tuʼn Abrahán, tzaj tqʼoʼn Jehová jun toklen chʼexpaj tanqʼibʼil tuʼn.
-
Da 10:11, 19; 12:13. Tej qʼiʼntoq mas te 90 abʼqʼi tuʼn profeta Daniel, xi tqʼamaʼn jun anjel te qa nimtoq toklen toj twitz Jehová ex qa ktzajeltoq kʼiwlaʼn tuʼn tuʼnju ten tzʼaqli twitz.
-
Lu 1:5-13. Tzaj tkʼiwlaʼn Jehová Zacarías ex Elisabet, jun mejebʼleʼn otoq tijen, tej tbʼant jun milagro tuʼn tuʼn tul itzʼj jun kykʼwal aju ok kyqʼoʼn tbʼi te Juan.
-
Lu 2:25-35. Tej ya otoq tijen Simeón, xi tqʼoʼn Jehová ambʼil te tuʼn tok tkeʼyin tal neʼ ok te Mesías ex tzaj tqʼamaʼn jun profecía tiʼj.
-
Hch 7:23, 30-36. Tej tjapun Moisés twi 80 abʼqʼi, tzaj qʼoʼn toklen tuʼn Jehová tuʼn tkubʼ nej twitz tnam Israel.
-
¿Tzeʼn qmod kbʼel qyekʼin kyukʼil erman o che tijen?
-
Qe relato jaku che onin qiʼj:
-
Gé 45:9-11; 47:12. Tej ya otoq tijen Jacob, xi qʼiʼn anqʼil tuʼn José nqayin ttxlaj ex ok t-xqʼuqin tzmaxi tej tkyim.
-
Rut 1:14-17; 2:2, 17, 18, 23. Kubʼ tyekʼin Rut tukʼil tyol ex tbʼinchbʼen qa onin tiʼj Noemí, jun xuʼj ya otoq tijen.
-
Jn 19:26, 27. Tej ya chʼixtoq tkyim Jesús twitz tzeʼ, xi tqanin te Juan tuʼn t-xqʼuqin tiʼj ttxuʼ.
-
¿Tzeʼn jaku qo onin kyiʼj erman o che tijen toj congregación?
Bʼalo ax ikx tgana jlu
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
