Tuʼn tkubʼ qin qibʼ; qmansin qibʼ
¿Tiʼ t-ximbʼetz Jehová at kyiʼj xjal in jaw kynimsan kyibʼ ex kyiʼj qeju in kubʼ kyin kyibʼ?
Sl 138:6; Pr 15:25; 16:18, 19; 22:4; 1Pe 5:5
Ax ikx qʼonka twitza tiʼjju in tzaj tqʼamaʼn Pr 29:23; Is 2:11, 12.
-
Qe relato jaku che onin qiʼj:
-
2Cr 26:3-5, 16-21. Tuʼnju jaw tnimsan tibʼ rey Uzías, mintiʼ xi tnimen Tley Dios ex tzaj tqʼoj tej t-xi qʼoʼn consej te. Tuʼn jlu, kubʼ qʼoʼn tkastiw tuʼn Jehová ex tzaj lepra tiʼj.
-
Lu 18:9-14. Yolin Jesús tiʼj jun techel tuʼn ttzaj tyekʼin tiʼ t-ximbʼetz Jehová at tiʼj kynaʼj Dios xjal in jaw kynimsan kyibʼ ex tiʼj kynaʼj Dios xjal in kubʼ kyin kyibʼ.
-
¿Tiʼ tmod Jehová in kubʼ tyekʼin aj tok tkeʼyin qa in kubʼ tin tibʼ jun xjal ex in najtz tiʼj tanmi?
-
Qe relato jaku che onin qiʼj:
-
2Cr 12:5-7. Xi tqʼamaʼn Jehová te rey Rehoboam ex kye nejenel te Judá qa che kbʼeltoq tnajsaʼn, pero ya mintiʼ bʼant jlu tuʼn tuʼnju kubʼ kymansin kyibʼ twitz.
-
2Cr 32:24-26. Xi tbʼinchaʼn rey Ezequías aju bʼaʼn, pero tej tikʼ ambʼil jaw tnimsan tibʼ. Noqtzun tuʼnj, kubʼ tnajsaʼn Jehová til tuʼnju kubʼ tin tibʼ.
-
Aj tkubʼ qin qibʼ, ¿tzeʼn in nonin qiʼj tuʼn qten bʼaʼn kyukʼil txqantl?
Ef 4:1, 2; Flp 2:3; Col 3:12, 13
-
Qe relato jaku che onin qiʼj:
-
Gé 33:3, 4. Tuʼnju kubʼ tin tibʼ Jacob, ten juntl maj mujbʼabʼil t-xol tukʼil Esaú.
-
Jue 8:1-3. Kubʼ tin tibʼ jwes Gedeón ex xi tqʼamaʼn kye xjal te Efraín qa mastoq nim kyoklen twitz. Tuʼnju bʼant jlu tuʼn, chewix kyqʼoj tiʼj ex mintiʼ tzaj jun nya bʼaʼn kyxol.
-
¿Tzeʼn kubʼ tyekʼin Jesús qa nim toklen tuʼn tkubʼ qin qibʼ?
Mt 18:1-5; 23:11, 12; Mr 10:41-45
-
Qe relato jaku che onin qiʼj:
-
Is 53:7; Flp 2:7, 8. Ik tzeʼn otoq kyaj qʼamaʼn kyoj profecía, iltoq tiʼj tuʼn tsufririn Jesús aj tkubʼ bʼyoʼn. Maske ikju, kubʼ tin tibʼ ex ul tzalu twitz Txʼotxʼ.
-
Lu 14:7-11. Tuʼn tel qnikʼ tiʼj tiquʼn nim toklen tuʼn tkubʼ qin qibʼ, yolin Jesús tiʼjju in bʼant kyuʼn xjal aj tjaw kyskʼoʼn jun lugar jatumel tuʼn kykubʼ qeʼ toj jun mejebʼleʼn.
-
Jn 13:3-17. Kubʼ tqʼoʼn Jesús jun tbʼanel techel kywitz t-xnaqʼtzbʼen tej tkubʼ tin tibʼ ex tej tel ttxʼajoʼn kyqan, jun aqʼuntl oʼkx bʼant kyuʼn majen.
-
Qa ma ten qximbʼetz toj tumel qiʼjx ex kyiʼj txqantl, ¿tzeʼn jaku tzʼonin qiʼj tuʼn tkubʼ qin qibʼ?
Qa in kubʼ qin qibʼ pero nya ax tok quʼn, ¿tiquʼn mintiʼ tajbʼen jlu?
Bʼalo ax ikx tgana jlu
¡WEʼKTZA!
Tuʼn tkubʼ kyin kyibʼ
Qa ma chex t-xnaqʼtzan tkʼwaʼla tuʼn tkubʼ kyin kyibʼ, kʼonil kyiʼj tuʼn kyten bʼaʼn jaʼlo ex toj ambʼil tzul.
QE XNAQʼTZBʼIL JAKU JATZ WIʼNE TOJ TYOL DIOS
Kyaj bʼant tiʼj jun nya bʼaʼn tuʼn Jacob tukʼil Esaú
¿Ti bʼant tuʼn Jacob tuʼn ttzaj tkʼamoʼn kʼiwlabʼil te jun anjel? ¿Alkye tten bʼant tiʼj nya bʼaʼn tuʼn tukʼil Esaú?
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
