O kubʼ bʼinchaʼn libro Qe texto jaku che onin toj kyanqʼibʼil okslal, tuʼn kykanet texto quʼn jaku che onin qiʼj toj qanqʼibʼil. Nya oʼkxju, ax ikx jaku che ajbʼen quʼn tuʼn t-xi qqʼuqbʼaʼn kykʼuʼj txqantl ex tuʼn qonin kyiʼj tuʼn tjaw kyskʼoʼn aju mas tbʼanel toj twitz Jehová. Bʼaʼn tuʼn t-xi qjyoʼn xnaqʼtzbʼil qaj tuʼn tel qnikʼ tiʼj ex kʼokel qqʼoʼn qwitz kyiʼj xjel ex tqanil kyiʼj junjun texto (keʼyinka recuadro « Junjun tqanil tzeʼn jaku tzʼajbʼen libro lu quʼn»). Mas jun rat che kanetel junjun relato quʼn ex qe consej tkuʼx toj Biblia. Ex jaku tzʼok qqʼoʼn qwitz kyiʼj tbʼanel nabʼil jaku che onin qiʼj ex jaku che ajbʼen quʼn tuʼn qonin kyiʼj txqantl.

O kubʼ bʼinchaʼn libro lu tuʼn kykanet qe texto mas jaku che onin qiʼj. Tuʼntzunju, jaku txi qjyoʼn mas tqanil kyoj junjuntl uʼj (Pr 2:​1-6). Tuʼn tel mas qnikʼ tiʼj jun xnaqʼtzbʼil, jaku txi qkeʼyin junjuntl versículo at toklen tukʼil jun texto ex qe nota de estudio tkuʼx toj La Biblia. Traducción del Nuevo Mundo toj kastiy. Ex qa qaj tuʼn tkanet mas tqanil quʼn tiʼj jun texto moqa qaj tuʼn tel qnikʼ tiʼj tiʼ t-xilen, jaku tzʼok qqʼoʼn qwitz tiʼj Onbʼil tuʼn kyxnaqʼtzan testigos de Jehová moqa tiʼj Índice de las publicaciones Watch Tower. Jaku che kanet nim tqanil quʼn kyoj uʼj lu, pero aju xnaqʼtzbʼil mas akʼaj jaku kanet quʼn kyoj uʼj tzma in che etz.

Kuchiwt tzʼonin libro lu qiʼj tuʼn tel mas qnikʼ kyiʼj nabʼil ex xnaqʼtzbʼil tkuʼx toj Tyol Dios. Aj tajbʼen uʼj lu quʼn, mas kʼokel qeʼ qkʼuʼj tiʼj qa «aju tyol Dios itzʼte ex at tipumal» (Heb 4:12).